Home EduTek Judisium UNITAL Ba Dala 8, Francisco: Buat Ne’ebe Aprende Nudar Bukae Ida

Judisium UNITAL Ba Dala 8, Francisco: Buat Ne’ebe Aprende Nudar Bukae Ida

432
0
Francisco simu sertifikadu hosi Dekanu Faukuldade Edukasaun. [Foto: Joao Bosco | 16.12.2020]

Reportazen Santina Lucia da Costa

Universidade Oriental Timor-Lorosa’e (UNITAL), liuhusi Fakuldade Siensial Sosiais Politika (CISPOL) no Departamentu Komunikasaun Sosial, Departamentu Administrasaun Publika, Departamentu Relasaun Internasional, hala’o Judisium ba dala-Ualu no Judisionista hamutuk 32 tuir Judisium iha Salaun UNITAL, Becora, loron, 16/12.

Tuir Dekana Fakuldade CISPOL, Felisidade Xavier hateten judisium ne’e hanesan finalidade ba ita nia oan sira, ne’ebe durante ne’e hala’o sira nia prosesu aprendisajen iha kada fakuldade, ne’e hatudu katak sira liu tiha ona etapa ida, sei tuir tan etapa ida mak ita hanaran graduasaun.

Dekana Fakuldade CISPOL ne’e  hatetn  ita boot sira tenki hatene liafuan ida ne’ebe sai hanesan intelektual, sai hanesan lisiensiadu husi Administrasaun Publika, Relasaun Internasional no Komunikasaun Sosial, ida-idak ho nia espesialidade, iha liafuan ida katak, Haree ne’e wainhira kuandu iha isin, tasak ba beibeik mak nia hakruk tan, laos foti-an.

“Hau husu ba ita boot sira, hala’o ita boot sira nia knaar ba, tanba komunidade nasaun RDTL, hein hela ita boot sira nia prezensa, ita boot sira nia partisipasaun hodi hadia no dezenvolve nasaun Timor-Leste.” hateten Dekana Cispol, Felicidade Xavier iha nia diskursu.

Felicidade dehan UNITAL nia motto katak, harii, haburas, hanai, ba ita boot sira nia almamater katak, inan ida ne’ebe durante ne’e hamahan ita boot sira, inan ida ne’ebe fo siensia no konnesimentu ba ita boot sira.

Iha fatin hanesan estudante Judisionista Departamentu Komunikasaun Sosial, Francisco Jose de Almeida, hateten Judisium ne’e loke tan espasu ida, para depois lao ba oin, laos de’it para to’o iha ne’e, mais sei kontinua ami nia matenek ka siensia sira ne’ebé mak durante ne’e aprende iha tinan haat nia laran, ami sei nakloke ba ema hotu no ami sei lori ami nia matenek sira ne’e ba kompete iha rai doben Timor-Leste ne’e.

“Hau kontente, orgullu no agradese liuliu ba inan-aman sira ne’ebe mak suporta ami to’o ohin loron, ami halo ona judisium ba dala Ualu iha UNITAL”, tenik estudante Judisionista, Francisco J. de Almeida.

Francisco ne’ebe mos nudar jornalista Neon Metin ne’ebe  remata estudu iha Departamentu Komunikasaun Sosiais, Fakuldade CISPOL tenik katak buat ne’ebe mak  aprende ona, ida ne’e hanesan bukae ida, para depois atu bele implementa.

“Bainhira remata estudu iha UNITAL, ema husu depois hotu karik ba buka serbisu hodi serbisu, mais ami lae, estudante Komunikasaun Sosial, depois remata ba halo serbisu, laos ba buka serbisu, signifika katak buat ne’ebe durante aprende iha Universidade ne’e masimu ona, para atu implementa, laos ba buka serbisu, dadaun ne’e serbisu hein hela ita atu ba serbisu, tuir buat ne’ebe aprende durante tinan haat nia laran”, hateten, Francisco J. de Almeida.

Nia reforsa tan katak siensia klaru ona katak, liberta ita nia-an no ohin ita liberta ona ita nia-an, atu ba serbisu serbi ita nia rain no serbi ita nia komunidade no serbi inan-aman, liuliu iha area edukasaun nian.

Print Friendly, PDF & Email

LEAVE A REPLY

Please enter your comment!
Please enter your name here