Home Notisia Guarda Municipio Dili Sobu Fatin Negosiante, Aguida: Ami Faan Tanba Iha Autorizasaun

Guarda Municipio Dili Sobu Fatin Negosiante, Aguida: Ami Faan Tanba Iha Autorizasaun

1480
0
Guarda municipio Dili sobu fatin negosiante iha rotunda merkadu Taibesi. [Foto: Santina Lucia da Costa | 18.12.2020]

Reportazen Francisco JDA

“Xefi Gestaun merkadu Taibesi lepas tangan, total ema iha ne’e hakarak atu koalia ho nia maibé nia la atende ami, problema ami hato’o ba nia maibé nia haruka ami ba distritu, lolos ne’e nia mak fo autorizasaun hodi tau naran hodi ami mai faan iha ne’e, hafodak sobu ona ida ne’e afeta tebes ba ami nia moris loron-loron nudár negosiante ida”. Negosiante Aguida

Susar atu hili fatin ida ne’ebe permanente ba negosiante kiik sira, hodi halao sira negosiu. Ba sira loron hetan dollar ida mos agradese ona, karik bele tulun ona sira nia moris lor-loron. Area merkadu Taibesi komunidade negosiante sira barak, hodi compete produtu no sasan sira ne’ebe faan, aprosima konsumedor sira hodi hola netik sira nia sasan. La sura manas no udan, sedauk tan fatin lixu ne’ebe la dok hosi sira nia fatin, sira la preokupa importante sir abele faan ai-han ka sira nia sasan.

Jornalisa Neon Metin hakbesik ba rotunda Taibesi hodi hare negosiante sira ne’ebe faan sira nia sasan, iha tempu natal ne’ebe besik ona. Negosiante sira komesa faan ropa, hodi atrai konsumedor sira hola, maibe tinan ida ne’e negosiante sira la satisfeitu ho guarda municipiu Dili ne’ebe sobu tenda ho obrigatoriu hodi labele faan iha fatin refere

Iha entrevista jornalista Neon Metin ho negosiante Aguida Moniz, hodi hare situasaun ne’ebe sira hasoru. Ba Neon Metin Aguida hateten iha tinan 2019  halo duni negósiu iha ne’e la iha problema, maibé tinan ida ne’e parte hosi gestaun merkadu Taibesi, autoriza no registu ho osan  $5.00 ba admistrasaun, hodi hetan fatin no halo negósiu maibé derepenti guarda municipiu Dili sobu tanba la iha linha koordenasaun mak diak entre Xefi Gestaun Merkadu Taibesi no Admistrasaun Municipi Dili

“Ami nia hanoin gestaun merkadu no Admistrasaun municipiu serbisu hamutuk ona, afinál seidauk,  ami tau naran hotu maibé sira la iha linha koordenasaun ho ema distritu, ami faan ona besik fulan ida, komesa hola kalén, ai, modal iha laran hela distritu dehan tenki sobu, entaun ami hotu la simu no ami ba koalia ho Fefi Gestaun Merkadu, xefi haruka ami ba fali distritu, ami ba tiha Admistrasaun Municipiu Dili dehan  katak, trotoar leten la bele faan no los duni katak labele faan maibe ami hetan autorizasaun hosi xefi merkadu”, hatete Aguida Moniz iha Rotunda Merkadu Taibesi, 17/12

Aguida Moniz realsa tan katak, guarda Municipiu fo ultimatu loron tolu maibé ami mos tenta nafatin ba koalia ho Admistrasaun Municipiu Dili no husu atu atu halo pedidu maibé hakfodak guarda municipiu sobu ona

“Xefi Gestaun merkadu Taibesi lepas tangan, total ema iha ne’e hakarak atu koalia ho nia maibé nia la atende ami, problema ami hato’o ba nia maibé nia haruka ami ba distritu, lolos ne’e nia mak fo autorizasaun hodi tau naran hodi ami mai faan iha ne’e, hafodak sobu ona ida ne’e afeta tebes ba ami nia moris loron-loron nudár negosiante ida,  eskola besik hahú fali ona presiza oan sira registu eskola, balun ba Universidade, Sekundaria sosa kadernu lapijeira maibé se hanesan ne’e ami atu halo oinsá”, hateten Negosiante Aguida Moniz ho laran triste

Aguida husu governu hodi fo toleránsia ba loron boot to’o 30 Dezembro, tanba loron boot bele fo rendimentu diak ba uma laran.

Iha Fatin hanesan Negosiante Manalili lamenta tebes ba asaun ne’ebe guarda municipi Dili halo tanba sasán sobu la ho kuidadu kuaze estragas hotu no la aproveita.

“Hau triste tebes tanba guarda municipiu sira ne’ebe sobu fatin faan ropa nian, la ho kuidadu no kuaze kalén barak hetan estragus, ami hadia fatin atu tau ropa ne’e mos laos gasta $1.00 ka $2.00 maibe hadia fatin haat ho osan $150 nia folin, maibé hau seidauk hetan rendimentu ida sira enstraga deit hau nia laran moras”, hatete Manalili ho triste

Relasiona ho asuntu ne’e jornalista Neon Metin koko konfirma ho Xefi Gestaun Merkadu Taibesi Anibal de Jesus maibé la iha fatin.

Print Friendly, PDF & Email

LEAVE A REPLY

Please enter your comment!
Please enter your name here