Reportajen Umbelina dos Reis
Prezidente da Repúblika (PR), Dr. José Ramos Horta hateten governu foun ne’ebé sei mai, presiza tau importánsia ba agrikultura, saúde no edukasaun. Tanba wainhira saúde la’o di’ak edukasaun mós di’ak, nune’e tenke investe iha agrikultura hodi garante seguransa alimentár ba populasaun.
Prezidente Horta dehan, hanesan iha rai Qatar sira la iha agrikultor maibé iha seguransa alimentar. Maibé Timor-Leste agrikultura mak baze ba responsavel no garante ba seguransa alimentar no baze ida garante ita nia soberania ai-han, ne’ebé kontribui ba prosesu oi-oin, inklui ba iha malnutrisaun.
“Iha tinan rua-nulu nia laran, bainhira sira diskute ba estudu XX títulu “O nosso futuro está no mar” ita nia futuru iha tasi no rai maran, se ita la garante seguransa alimentar autonomia independénsia iha agrikultura, fornesimentu garante ba prosesu oi-oin.” dehan Prezidente da Repúblika liu hosi nia diskursu iha Otél, hodi selebra ejisténsia dahuluk Rede Ba Saúde iha Timor-Leste (REBASTL), 05/05.
Progresu tinan 20 nia laran ona, maibé sei defisiénsia barak tebe-tebes, nune’e presija tau importánsia ba agrikultura, edukasaun, saúde. Tradisionalmente iha estrutura governu iha estranjeiru edukasaun seidauk iha númeru 1.
“Espera eleisaun parlamentar mai ne’e ba ohin tinan 20 esperiénsia hateke ba kotuk haree situasaun atual bele define prioridade importante liu ba saúde primária no saúde inan isin-rua, rai terseiru mundu iha númeru 10, espera tinan lima mai tan, Timor-Leste sai númeru 1 ou númeru 10, iha sub nutrisaun infantil, saúde infantil, apoiu ba inan isin-rua sira, sub nutrisaun estrema no pobreza.”
Xefe Estadu ne’e konklui, laiha rai ida ke dezenvolve sem infrasturtura no funsionalidade iha baze.” Laiha rai ida que dezenvolve sem infrasturtura hanesan estrada, ponte, bee-moos, telekomnikasaun, para asesu ba aldeia, oinsá Governu aloka orsamentu boot ba setór saúde no edukasaun.
