Home Notisia MAPKOMS Keixa Jornalista ba MP, AJTL Konsidera Impedimentu Ba Liberdade Imprensa

MAPKOMS Keixa Jornalista ba MP, AJTL Konsidera Impedimentu Ba Liberdade Imprensa

283
0
AJTL halo konferensia imprensa. [Foto: Santy | 02.06.2022]

Reportajen Santina Lucia da Costa

Asosiasaun Jornalista Timor-Leste (AJTL) halo konferensia imprensa relasiona ho Ministeriu Asuntu Parlamentar no Komunikasaun Sosial (MAPKOMS), Francisco Martins da Costa Pereira Jeronimo hatama keixa ba MP kontra Jornalista no Xefe Redasaun Media Hatutan.com Francisco Simões da Costa kona-ba “Denunsia Caluniosa” Maka  AJTL konsidera nu’udar impedimentu no ameasa ba atividade jornalista no liberdade imprensa iha Timor-Leste nu’udar país demokratiku sudeste Aziátiku.

Asosiasaun Jornalista Timor Lorosa’e (AJTL) deklara, misaun prinsipál jornalizmu dadauk ne’e mak atu promove no defende interese ema barak nian, liuhusi publikasaun produtu jornalístika ida-ne’ebé kontribui ba direitu públiku nian atu asesu informasaun loloos no kredivel.

AJTL haree katak desizaun MAPKOMS, Francisco Martins da Costa Pereira Jeronimo hodi lori Xefe Redasaun Hatutan.com, Francisco Belo Somões da Costa ba prosesu legál iha tribunál hakanek ka mencederai idex-rangking liberdade imprensa ne’ebé país ne’e hetan.

“AJTL mós konsidera asaun legál ne’ebé MAPKOMS foti ne’e nu’udar aktu impedimentu no ameasa ba atividade jornalístiku no liberdade imprensa iha Timor-Leste nu’udar país demokrátika iha Sudeste Aziátiku.” Hateten, Prezidente AJTL, Zevonia Vieira liuhusi Konferensia Imprensa ne’eb’e halo iha Sede AJTL, Fatuhada, 2/5.

Tuir AJTL, Hatutan.com nia reportajen investigativu kona-ba kazu projetu instalasaun set-top box rttl e.p. ne’e nu’udar puru produtu jornalístiku ne’ebé bazeia faktu no realidade tuir sirkumtansia ne’ebe iha no la’ós lia-falsu, hoax ka fitnah.

Tan-ne’e, AJTL konsidera Sr. Francisco Jeronimo nia aktu uza Código Penál, Artigu 285 kona-ba denunsia kalonioza ka fitnah hodi akuza xefe Redasaun Hatutan nu’udar aktu anti-boa governasaun iha kontestu demokrasia tamba reportajen investigativu Hatutan.com nian kona-ba kazu projetu instalasaun set-top box rttl. ep. nian nu’udar papél “watch dog” ka social contoller mídia nian atu salva Estadu nia osan husi governante sira ne’ebé komete abuzu podér ba sira interese pesoál.

Justifikasaun sira temi iha leten nu’udar valor no prinsípiu ne’ebé jornalista sira proteje no defende tuir objetivu jerál asosiasaun jornalista nian, the Article 19 – Konvensaun Internasionál – Direitu Sívil Polítika no Konstituisaun RDTL – Artigu 40 no 41.

Bazeia ba ba prinsípiu no valor sira ne’ebé temi, AJTL nu’udar organizasaun mahon ba jornalista Timoroan hotu-hotu hakarak hato’o nia pozisaun hanesan,  kondena maka’as desizaun MAPKOMS, Francisco Jeronimo nian hodi lori xefe Redasaun Hatutan.com, Francisco Belos Simoes da Costa ba prosesu legál tamba ida-ne’e nu’udar atentadu no ameasa ba jornalizmu, liberdade imprensa no liberdade espresaun ne’ebé Konstituisaun RDTL garante.

Lamenta prosesu legál refere tamba MAPKOMS, Francisco Jeronimo la kompriende jornalista no mídia nia papél kontrolu sosiál liga ho boa governasaun iha kontestu demokrasia no laiha kapasidade atu distingi entre asuntu privasidade no interese ema barak nian.

AJTL Lamenta mós MAPKOMS, Francisco Jerenomi nia komentáriu foin dadauk ne’ebé publika iha mídia nasionál sira katak asaun legál ne’ebé nia foti hasoru xefe redasaun Hatutan.com la ameasa liberdade imprensa no liberdade espresaun iha Timor-Leste.

Iha ámbitu komemorasaun loron Mundiál Liberdade Imprensa nian 3 Maiu 2022 liu ba marka istória foun ida ba dezenvolvimentu mídia no jornalizmu iha Timor-Leste tamba index-rangking liberdade imprensa país foun ne’e nian haksoit-liu husi 71 ba 17.

 Index liberdade imprensa Timor-Leste ne’ebé mundialmente haksoit aas-liu ne’e nu’udar orgullu ida ba Estadu no povu Timor-Leste tomak iha prosesu demokratizasaun no prosesu hametin dezenvolvimentu nasionál país  nian. Iha kontestu polítika modernu, kualidade demokrasia iha país ida depende ba kualidade komunikasaun entre sidadaun sira ho sira ne’ebé dadauk ne’e ukun ka iha podér liuhusi kobertura no publikasaun ne’ebé livre sein iha presaun, ameasa no impedimentu husi parte ruma.

Print Friendly, PDF & Email

LEAVE A REPLY

Please enter your comment!
Please enter your name here