Home Notisia RbR Ho Komuniade Afetadu Kaikoli Hasoru Komisaun A, Joaquim: Obrigasaun Governu Proteje...

RbR Ho Komuniade Afetadu Kaikoli Hasoru Komisaun A, Joaquim: Obrigasaun Governu Proteje Sidadaun

1164
0
Komunidade afetadu Kaikoli ho RbR hasoru Komisaun A. [Foto: Francisco JDA | 24.02.2021]

Reportazen Francisco JDA

Ohin Rede ba Rai ( RbR) no komunidade afetadu Suku Kaikoli, hasoru Parlamentu Nasionál liu hosi Komisaun A ba asuntu Justica no Konstituisaun, relasiona ho problema rai Kaikoli ne’ebé dadaun ne’e atu halo konstrusaun edifisiu Polísia Nasionál Timor Leste (PNTL) nian, tan ne’e komunidade husu Ministeriu Justica,  Diresaun Nasionál Terra no Propriedade no instituisaun relevante, bainhira atu halo dezenvolvimentu ka planu ruma tenke tuir regras ne’ebé vigora ona iha Timor Leste, maibé komunidade la impede dezenvolvimentu.

Tuir Prezidente Komisaun A Parlamentu Nasionál, Joaquim dos Santos ba jornalista sira hatete katak, ohin organizasaun Rede ba Rai sira lori sidadaun grupu nia interese mai aprezenta ba Komisaun A, atu konsidera direitu balun ne’ebé lei proteje ba sidadaun sira, liga ho problema iha Kaikoli, nune’e komunidade la impede dezenvolvimentu maibé dezenvolvimentu ne’e presiza hare tuir lei haruka, katak lei fo obrigasaun ba governu no proteje sidadaun sira nia direitu.

“Komisaun A hanoin hela atu rona tan Ministeriu Justica iha tempu oin mai, molok komisaun halo paraser ba Parlamentu, tuir ita nia lei vigora ne’e kuandu governu atu hasai sidadaun sira nia direitu ne’e, konstituisaun artigu 54 ko’alia klaru tenki iha justa  indeminizasaun, ida ne’e regula iha lei de eispropiasaun  no bele fo dalan ba ida ne’e, regime beis i moveis mós iha norma balun regula kona ba ida ne’e,  importante mak populasaun ho governu rona malu ba dezenvolvimentu labele prejudikadu fali  sidadaun sira nia direitu ne’ebé ke lei proteje ne’e”, hatete Presidente Comisaun A Parlamentu Nasionál iha PN, 24/02.

Joaquim dos Santos reforsa tan, di’ak liu mak atu ezekuta desizaun polítika ho métodu persuasivu duké ho métodu agresivu, atu desizaun polítika ne’e la’o ho di’ak ho efeitus positivu, ne’e dalan di’ak mak kumpre lei no rona malu.

Iha fatin hanesan Koordenador Nasionál Rede ba Rai (RbR), Hortencio Pedro Vieira ba jornalista sira hateten, sente kontenti tanba Komisaun A iha relasaun positivu tebes tanba sira rona ami nia preokupasaun kona ba lei no prosedimentu bainhira atu hasai ema, “entaun sira konsidera katak informasaun ne’ebé ami hato’o, sira husu atu tau agenda no bolu Ministeriu Justica bele esplika”.

Print Friendly, PDF & Email

LEAVE A REPLY

Please enter your comment!
Please enter your name here