Reportazen David da Costa Gusmao*
Relasiona ho kazu abuzu sexual ne’ebe mak Eis Padre “RD” komete iha Topu Honis, Tribunal Distrital Oe-cusse halo ona julgamentu ba daruak iha tribunal Rejiaun Administrativa Espesiál Oecusse Ambeno (RAEOA) ne’ebe prezide husi juiz koletivu nain tolu. Iha prosesu julgamentu ne’e to’o iha lorokraik sedauk iha solusaun, no Juiz deside prosesu julgamentu sei kontinua fali iha loron 22 to’o 23 Marsu 2021.
Tuir observasaun Neon Metin nian iha tereinu katak, prosesu julgamentu ba loron daruak nian iha loron Tersa 23/02, hahu iha tuku 9:00 otl dadersan, julgamentu ne’e parte tribunal rona deit deklarasaun husi eis padre “RD” no seidauk to’o nia rohan tanba sei rona mos husi sasin no vitima sira.
Julgamentu ba arguidos eis padre “DR” ne’e prezide husi juiz koletivu, Yudy Pamukas, Evangelino Belo, no Hugo da Cruz Pui.
Husi Advogados ba Arguidas mak Dr. Pedro Aparicio, Dr. Miguel Acasio Faria, Dr. João Ndun, Dr. Rui Antonio Mendonça no Dr. Eusebio Soares, no Defensor Publiku mak Dr. Marcelino Marques Coro.
Apoiar vitima reprezetante husi nia Advogadu Privadu Dr. Olivio Barros no Dra. Hildegardis Wondeng, no Apoiar husi Ministeiru Publiku Dr. Matias Soares no Dr.Ambrosio Rangel.
Tuir objervasaun Neon Metin bainhira julgamentu remata iha oras tuku 5:00 lorokraik “RD” sai husi sala julgamentu akompanha husi Komondante Polisia RAEOA ho lider nasinal Kay Rala Xanana Gusmão ba liu hotel hafoin kontinua ba iha ponte kais Mahata hodi kontinua viagem mai Dili.
*(David da Costa Gusmao nudar estudante UNTL ne’ebe estajiu iha Neon Metin)
