Home EduTek Menus Profesor Iha ESG Numeru 01 Baucau, Tomazia ho Teonito Pasa Tempu...

Menus Profesor Iha ESG Numeru 01 Baucau, Tomazia ho Teonito Pasa Tempu Halimar Deit Iha Eskola

7003
0
Tomazia ho Teonito estudante iha eskola Sekundariu Jeral (ESG) numeru 01 iha Munisípiu Baucau. [Foto: David | 05.03.2024]

Reportajen David da Costa & Filomena da Conceição

Tomazia estudante iha eskola Sekundariu Jeral (ESG) ) numeru 01 iha Munisípiu Baucau, iha Baucau Vila, menus profesores, halo sira pasa tempu halimar deit iha eskola.

Relasiona ona profesor kontratadu sira nia kontratu nebe remata iha fulan Dezembru, fo impaktu ba prosesu apredizajen, nune’e estudante sira lakon sira nia tempu barak tanba laiha aula.

Bainhira Neon Metin vizita direita eskola ne’e, halo entrevista ho esstudante Tomazia da Silva, konaba situasaune eskola ne’ebe agora sira hasoru, ba Neon Metin Tomazia hateten sira nia eskola hasoru problema boot, tanba agora menus professores, atu hanorin estudantes, ida ne’e fó difikulta tebes ba estudante sira, atu aprende ho diak. No Professores sira bainhira la tama, estudante sira ne’e halimar deit no oras to’o estudantes sira ne’e fila ba uma.

“Ami hasoru problema menus profesores atu hanorin mateira mai ami, liu-liu iha mateira 4 hanesan, Multimedia, Melayu, Português no Tetun. Susar tebes ami atu aprende ho diak, sátan besik atu tama ba exame ida ne’e sai difikuldade bo’ot ida mai ami.Materia hirak ne’ebé professor sira la tama, ami halimar deit, to’o oras ami fila ba uma mak ami foin fila ba uma. Maibé bainbain ami mós sempre konsulta ami professor sira, atu bele rezolve lalais problema menus professor ne’e,” dehan Estudante Tomazia ba Neon Metin iha ESG numeru 01 Baucau Tirilolo, Kuarta 28/02.

Alende Menus Professores, Bibloteka mos laiha,  bainhira estudante sira atu konsluta materia ruma ne’ebé  mak professores sira seidauk hanorin, susar ba sira atu buka referénsia

“Ami nia eskola ami laiha Biblioteka tanba ne’e ami sente triste tanba susar tebes ami atu asesu ba siensia hirak ne’ebé mak ami nia professor sira seidauk hanorin mai ami,”Tenik nia.

Nune’e nia husi ba governu liuliu ba ME atu bele fó oportunidade fila-fali ba professor sira ne’ebé uluk hanorin ne’e atu nune’e bele mai fali hanorin estudante sira  hodi bele kompleta fali  mateira hirak ne’ebé daudaun ne’e profesores laiha.

Iha fatin hanesa Estudante Teonito Zakeu Antonio da Costa Soares mós haktuir katak menus profesor fo impaktu ba sira direitu atu bele kontinua estuda.

“Hanesan estudante ami sente triste ba problema hirak ne’ebé dadaun ne’e ami nia eskola hasoru mak menus professor no iha mateira balun ne’ebé mak professor la tama maka  Multimedia, Tetun Português no Melayu, bainhira latama ami halimar  deit iha sala laran to’o mateira ne’e nia oras remata,”nia espresa.

Nune nia husu ba governu hodi bele solusiona lalais preokupasaun ida ne’e, hodi haruka fali professor sira ne’ebé  uluk hanorin “atu bele mai hanorin  fali ami sira, tanba mateira barak mak ami laiha professor, ida nee difikuldade boot mai ami tanba ami besik ona atu tama exme primeiru periode,”

Hatan ba preokupasaun husi Tomazia no Teonito, Neon Metin halo entrevista ho Professora Silvina Sarmento, nia hateten durante ne’e eskola Sekundariu Geral 01 Baucau, desde inisiu 2024, eskola ne’e enfrenta problema menus professores, hodi hanorin estudante sira liu-liu ba iha materia Teknologia Multimedia, Inglês, Português, lingua Melayu, Tetun Geografia, mateira hirak ne’e professor menus teb-tebes.

“Geologia ninian agora hau mesak de’it, no iha mós mateira teknologia multimedia, inglês, português no lingua melaiu, tetun geografia mateira hirak ne’e professor menus teb-tebes. Maibé dadaun ne’e, materia Geologia hau mesak mak hanorin  estudante sira husi 10 ano to’o 12 ano no iha sala hamutuk 16, no iha sala ida ho total estudante 43 to’o 55. Nu’udar feto Sente todan tebes tanba hanorin estudante barak loos, Maibé pasiensia kontinua hanorin husi dader to’o lokraik. Maibé mós hau Presiza tebes profesor para ajuda hau hodi hanorin mateira Geologia tanba hau mesak deit hodi fahe tempu ba estudante sira hamutuk sala 16 ne’e difisl tebes ba hau atu domina sira no hanorin ho diak. Tanba loron ida hau Tenke hanorin sala 4 husi dader to’o lokraik, maibé  Antes ne’e iha professor nain rua  mak ami rua ajuda malu lori mateira Geologia maibé iha 2023 sira nia kontratu remata entaun sira hela hau mesak de’it mak lori mateira ne’e,” nia dehan.

Ho Problema ne’e, nia sujere ba Ministeriu Edukasaun (ME) se bele professor sira ne’ebé iha ona rekrutamentu pelumenus aselera lalais hodi bele koloka mai iha eskola ida ne’e atu bele ajuda profesores sira hodi  hanorin mateira hirak ne’ebé dadaun ne’e iha problema nian laran.Tanba  estudante sira mak futuru nasaun nian.

Hanoin hanesan mai husi Professor Manuel Alvares Pereira,nia haktuirsituasaun  ne’ebé eskola hasoru mak menus professor, no professores balun abandona alunus tanba professores sira hanorin sala 11 kedas no nu’udar  professor funsionario iha eskola ne’e lábele halo buat ruma, tanba profesores nian kakutak laos  komputador  atu akumula estudante sira iha sala 11 ne’e.

“Loron ida hau hanorin sala 5 dala ida no dalruma iha oras ne’ebé hanesan ha’u fahe deit catatan de’it ba sira tanba ha’u labele halo buat ruma,”nia esplika.

Nia haktuir, professor kontratadu nia kontratu hotu fo impaktu boot ba setór edukasaun iha eskola hotu-hotu liu-liuliu ba eskola ESG Numeru 01 Baucau nian no professores  mós labele halo buat ida tanba ida ne’e kompetensia governu nian. Maibé iha Tinan 2023, eskola ESG numeru 01 Baucau lai problema kona-ba ba professores tanba professores sira Kompleitu hela hodi hanorin materia sira hotu.

“Iha 2023 ami sente kontente tanba profesores  kontratadu sira hamutuk ho ami maibé ikus mai sira laiha direitu ona, hodi hamrik iha estudante sira nia oin tanba ne’e Edukasaun sai difikuldade bo’ot ba ema hotu, liuliu estudantes sira mak sai vítima”.

Nia mós husu ba ME atu bele rezolve problema sira ne’e ho lalais norekrutamenta fila-fali professor ne’ebé mak iha ona vizaun no iha esperiensia ka aplikasaun ba hanoroin, “atu nunee’e hatumutuk ho ami, tanba governu sira lakohi atende problema ida ne’e ho lalais ita la hatene futuru estudante sira nian ne ita atu lori ha ne’ebé”.

Nune’e mós Diretór Eskola Sekundária Geral 01 Baucau, José Clementino da Silva mós rekoinese katak iha eskola ne’e hasoru hela problema falta de professores tanba professor kontratu foun 2023 nian ne’e la fo ona órario ba sira, para hanorin no iha mós professores tempu parsiais nain 5, no nain 5 ne’e mos la fó ona tanba dadaun ne’e eskola la halo kontribusaun ba Inan no Aman hodi ajunda  professores Kontratadus sira atu auguenta.

“Kona-ba hanorin mateira ba estudante sira, daudaun ne’e ami hetan problema bo’ot konserteza mateira ida ne’ebé mak nia professores laiha hanesan Multimédia nia oras ami husik mamuk deit, no ami hein fila-fali prosesu bolsa kandidatura ne’ebé la’o dadaun baseia ba politika Ministériu Edukasaun nian, ami nafatin hein to’o bainhira mak iha kolokasaun ida ba mateira refere tuir mak foin bele hala’o fila fali prosesu aprendizagem,” nia esplika

Nia haktuir, Aliende materia Multimedia sei iha mos mateira lubuk ida hanesan, Geografia, Geologia, Inglês, Português, Drsporto, Tetun no língua Melayu ida ne’e  problema boot, tanba professores la to’o atu hanorin estudante. Mateira hirak ne’e la la’o depois de professores Kontratadu 2023 nia kontratu remata iha dezembru no sira mós la hetan órario husi eskola hodi hanorin, tanba ne’e materia hirak ne’ebé sira hanorin daun-daun ne’e husik mamuk hela.

“Profesores ne’ebé laiha dadaun ne’e ami halo ona estratégia ida hodi bele koloka fali Professor sira seluk atu bele aproxima ho sira hodi bele taka fali oras balun ba mateira hirak ne’ebé Professores sira menus,” nia esplika.

Alende Menus Professores iha ESG Numero 01 Baucau laiha Biblioteka, maibé iha armagen ba livru sira mak iha tanba ne’e mak rekomenda ba Ministério kompetente para bele kria Biblioteka ruma ba estudante  sira bele asesu hodi bele hasae sira nia koinsementu ba mateira hirak ne’ebé sira aprende.

“Relasiona ho problema hirak ne’ebé eskola enfrenta, ami mos halo ona aproximasaun ba diretór eduksaun Munisípipal no Diretór nasional ensinu sekundariu atu bele foti alternativas no ami sei hein nafatin kolokasaun husi eskola filial sira, atu bele ajuda hodi lori mateira hirak ne’ebe profesor laiha tanba bele difikulta estudante atu tuir exame promeiru trimestre nian,”Tenik nia.

Tuir dados ESG numeru 01 Baucau Totál, hamutuk 1.610 no iha 43 Professores permanente, nain 3  husi diretiva da escola no nain 3  husi gabinete apoiu tekniku.

Print Friendly, PDF & Email

LEAVE A REPLY

Please enter your comment!
Please enter your name here