Home Saude Telkomcel Oferese Ekipamentu GeNose C19 Hodi Deteta Virus COVID Ba MS

Telkomcel Oferese Ekipamentu GeNose C19 Hodi Deteta Virus COVID Ba MS

738
0
Telkomcel entrega ekipamentu GeNose C19 ba MS. [Foto: Media Telkomcel | 09.06.2021]

Reportajen Zevonia Vieira

Ekipamentu GeNose C19 tuir UGM katak bele deteta virus SARS-CoV-2 ho 10 segundu  tuir no precisão (akurasi. Red) 99%.

Kompañia Telin Timor-Leste nu’udar brand ba Telkomcel, entrega ekipamentu saúde nian GeNose c19 hamutuk rua ba Ministériu Saude, liu hosi Diresaun Nacional Apoiu Servisu Hospitálar (DNASH)

Liu hosi komunikadu imprensa ne’ebé Neon Metin asesu ekipamentu GeNose C19 ne’ebé prodúz husi peskizador Universidade Gajah Mada (UGM) iha Indonézia, nia funsaun hodi deteta virus SARS-CoV-2,

Entrega ofisial ekipamentu refere husi reprezentante Jestaun Telkomcel Timor-Leste hanesan Jerente Corporate Communication, Billing and Collection, Oscar Lucio no Jerente Enterprises & Wholesale, Joana Miranda ba Koordenadór Pilar VII, Dr. Nilton do Carmo, Spot, MBioMed.

Iha serimónia entrega sasán hirak ne’e Oscar Lucio hateten Telkomcel hetan konfiansa no oportunidade hodi oferese apoiu ne’e, kombate virus SARS-CoV-2 iha Timor-Leste.

Nia dehan GeNose C19 fasilidade ne’ebé uza hodi deteta infesaun COVID-19 ho lalais, akurat no baratu, fo benefísiu ba ema hotu.

 “Ami espera ho ekipamentu GeNose C19 ida ne’e bele ajuda prosesu filtrajen (prosesu screening) hodi deteta ho lais no bele haketak ema sira ne’ebé saudavel no mós ho ema sira ne’ebé hetan infesaun moras Covid-19. Prosesu ida ne’e di’ak tebes hodi kria kondisaun seguru, konfortavel nomos objetivu hodi oferese solusaun prevensaun husi moras Covid-19”, dehan Oscar iha Kaikoli, 09/06.

Nia dehan GeNose C19 nia serbisu hodi deteta Volatile Organic Compound (VOC) hanesan formadu ida, tanba iha infesaun COVID-19, ne’ebé sai hosi ita nia iis, prosesu sei kontinua identifika liu husi sensor depois dadus sira ne’e sei prosesa ajuda husi intelijénsia artifisiál nian (artificial intelligence).

Iha fatin hanesan Koordenadór Pilar VII Covid-19 Timor-Leste, Dr. Nilton do Carmo apresia tebes ho inisiativa husi kompañia Telkomcel no optimista katak ekipamentu GeNose C19 bele ajuda Ministériu Saude hodi minimaliza tranzmisaun moras virus SARS-CoV-2 iha Timor-Leste.

“Ami hato’o obrigadu wain ba kompañia Telkomcel ne’ebe ho konsistente oferese ona apoiu hodi apoiu ami nia serbisu, liuliu hodi uza ekipamentu GeNose C19 ba prevensaun tranzmisaun virus COVID-19 iha Timor-Leste”, dehan Dr.Nilton.

Dr. Nilton konklui katak Timor-Leste sei nafatin kontinua serbisu no esforsu másimu hodi kombate virus COVID-19. Husi etapa balun presiza antesipa no nafatin konsistente tuir regra protokolu saúde ne’ebe rekomenda husi Ministériu Saude Timor-Leste.

Ekipamentu GeNose C19 ne’e rasik tuir UGM katak bele deteta virus SARS-CoV-2 ho 10 segundu  tuir no precisão (akurasi. Red) 99%.

Print Friendly, PDF & Email

LEAVE A REPLY

Please enter your comment!
Please enter your name here