Home Notisia FONGTIL-TANE Konsumidór: Presiza Intervensaun Estadu Liuhusi Garante Asesu Kombustivel

FONGTIL-TANE Konsumidór: Presiza Intervensaun Estadu Liuhusi Garante Asesu Kombustivel

83
0
FONFTIL ho Tane Konsumidor iha konferensia imprensa. [Foto: Joselina | 02.08.2022]

Reportajen Joselina dos Santos

Forum Organizasaun Naun-Governamental Timor-Leste (FONGTIL), Serbisu hamutuk ho TANE Konsumidór realiza konferensia imprensa kona-ba importasaun kombustivel ne’ebe folin sa’e, no nia presu aas iha Timor-Leste, tanba fó afeta ba movimentu públiku hodi hala’o atividade loron-loron.

Iha konferénsia imprensa, Diretór Ezekutivu FONGTIL, Valentim da Costa Pinto “KOKO” hatete  iha situasaun krize ekonómika ne’ebe mundu enfrenta, tanba funu entre Russia ho Ukránia ne’ebe provoka folin mina sa’e iha merkadu internasionál, no folin ba bens nesesidade bázika sira inklui sofre inflasaun ne’ebé aas, tanba rota merkadu sirkulasaun produtu ai-han husi Russia no Ukránia labele sirkula husi portu Kiev, tanba Ukránia mai merkadu Europa, tanba hetan blokeiu husi Russia nune’e nia konsekuénsia mak folin mina iha merkadu internasionál sa’e, no hada’et to’o mai iha Timor-Leste.

“Hare ba situasaun merkadu mundiál ne´ebe ninia folin mina hahú normaliza, daudaun ne´e hatudu iha loron 01.08.2022, Brent London, tun 63 centimus (0,6%) ne´ebe folin mina matak $103,34 USD/barríl. Enkuantu WTI (West Texas Intermediate) Amérika Serikat/Estadu Unidu Amérika folin mina matak monu 75 centimos (0,7%) folin mina matak barril 1 korresponde $97,8 USD no bainhira negósiu iha merkadu Aziátiku nian tun ba $95 USD/barril”, Dehan Diretór Ezekutivu Valentim da Costa Pinto “KOKO” iha komunikadu imprensa, iha Salaun FONGTIL Caicoli, 02/08.

Diretor FONGTIL hatutan iha merkadu rai viziñu sira ne´ebe besik Timor-Leste hanesan (01.08.2022) mak Indonesia- Pertamax Turbo 16.200($1.09 usd) per liter, Dexlite RP. 15.000($1.01 usd) per liter, Singapore- Pertamax SGD $3,25 (USD $2.36)per liter, Diesel SGD $ 2.76 (USD. $2.01)per liter, Malaysia- Ron97 4.55 RM$ 1.02 USD)per liter, Dissel 2.15 RM($0.48 USD)per liter no Australia- Foti husi referência NT Darwin, AUD $1,99 ($1.39 USD) Dissel AUD $2.26 ( $1.58 USD ).

“Ho situasaun merkadu internasionál ne’ebé ninia folin fila ba normal, hodi hein surumutu OPEP+ ne´ebe sei hala’o iha loron 03 Agostu 2022 hodi determina folin mina ba fulan Setembru nian”, nia deklara.

KOKO salienta iha Timor-Leste konsumidór sira mos hein surumutu atu husu prezensa Estadu iha situasaun atuál, ne´ebe afeta ba konsumidor sira. Iha situasaun hanesan Estadu ninia prezensa importante, tanba ne´e Direitu Konstitusionál ba  konsumidór sira hodi asesu ba bens konsumu, inklui presiza intervensaun Estadu liu husi garante ba asesu ba kombustivel, liu husi Timor,GAP nu’udar Empreza Publika (EP), bele fó garantia hodi hatama mós mina.

Nune’e mos presiza fó kbi’it ba ANP.IP hodi hala’o ninia kna’ar nu’udar regulador, liu husi atualizasau ba Dekretu Lei Preço Justu ne´ebe la kontempla kona-ba limite másimu no mínimu ba folin kombustivel.

Print Friendly, PDF & Email

LEAVE A REPLY

Please enter your comment!
Please enter your name here