Reportajen Joselia dos Santos
Grupu Juventude Tibar sei apoiu Kandidatu independente Prezidente Repúblika, Isabel da Costa Ferreira, tanba hakarak Timor-Leste tenke iha igualdade jéneru, feto ne’ebe iha abilidade kompetensia no koñesimentu hanesan inan ida, hodi bele promove igualdade jeneru mos sai mediadora hodi solusiona problema hotu no lori esperensia ba rai doben Timor.
“Ami apoiu total no inkondisionál ba kandidata independete Isabel da Costa Ferreira ba eleisaun prezidensiál. Relasiona ba festa demokrasia ne’ebe ita sei realiza iha loron 19 Marsu Kona-ba eleisaun prezidensial, mak ami juventude Tibar fo apoiu 100% reserva ba kandidata Independente Prezidente Republika Isabel Ferreira,” Dehan Porta Voz Afonso Soares iha Perss Konferensia ba Jornakista sira Iha Sede PLP Tibar, 26/02.
Nia dehan, sira sei afirma no protidaun hodi manifesta sira nia apoiu inkosidelmente ba kandidatura Isabel Ferreira iha eleisaun Prezidensial periode 2022-20247.
“Razaun hirak ne’e mak sai pontu fundamental, hodi lori ami nia apoiu ba kandidatu Isabel Ferreira ninia kandidatura mak ami halibur hamutuk iha fatin ne’e ho konxiénte katak Timor-Leste daudaun ne’e nakonu ho kultura vigantiva, politikamente hodi hamosu problema oin-oin seitór sosial hotu. Ho ida mak ami hanoin katak ema ne’ebe sai Prezidente Republika tenke mai husi kandidatura feto,” Nia tenik.
Nia dehan Isabel Ferreira hanesan feto ne’ebe mak bele asegura unidade nasional hodi lori hikas Timor oan tomak, tanba ne’e sira hakarak la’o hamutuk ho kandidatura Isabel Ferreira tan nia hanesan lider joven ne’ebe hahu loke odamatan ba juventude sira hodi luta ba mudansa.
“Kandidatu Isabel Ferreira hanesan ativista ne’ebe sempre luta ba kestaun direitus umanus iha Timor-Leste, nia iha kapasidade plena no indivdualmente moral atu ezerse funsaun ne’ebe mak nia kandidata, no nakonu ho personalidade no karakter ne’ebe atu refleta ba iha karidade solidariedade, onestidade tolerante, amante no paz,” dehan Afonso
