Reportajen David da Costa Gusmao
Timor Oan sira ne’ebe serbisu iha Englatera ( Reinu Unidu),kompremetidu sei ezerse sira nia votus ka konfiansa tomak ba kandidatu Prezidente Republika, Armanda Berta do Santos, husi Partidu Kmanek Haburas Unidade Nasionál Timor Oan (KHUNTO), hodi eleitu ba Prezidente Repúblika ba periodu 2022 to’o 2027.
PortaVoz Trabalhador Timor-oan, Jonio Dos Santos ne’ebé serbisu iha Englatera ( Reinu Unidu) informa trabalhadór timor-oan ne’ebe serbisu iha Englatera, ne’ebe hamahan a’an nu’udar militantes no simpatizantes husi partidu KHUNTO, hakarak fo apoiu votu ba Armanda Berta do Santos atu sai Prezidente República ba periodu tinan 2022-2027.
“Traballador Timor-oan hirak ne’e Konsidera Kandidatura Armanda Berta Do Santos,hatudu ona nian kapasidade lideransia nian iha nia mandatu ne’ebe nia lidera hela Ministeiru Solidadridade Sosial no Inklusaun (MSSI) no vise Primeiru Ministru (VPM),” Dehan PortaVoz Trabalhador Timor-oan Jonio Dos Santos Liu husi Komferensia Imprensa ne’ebe hala’o iha Reinu Unido, iha Domingo, 27/2.
Trabalidór sira ne’e konsidera Armanda Berta Do Santos nu’udar feto ida ne’ebe prontu ona atu servi no fuan ho laran , pasiensia no humildade ba povu no nasaun Timor-Leste.
“Armanda Berta Do Santos hanesan ,feto ida ne’ebe mai husi povu kiak ,no hatene oinsa atu Bele hasai povu husi Kiak no mukit, ami hotu Firme ho prinsipiu katak ,tempu ona lider jerasaun foun feto ida hanesan Mana Armanda Berta Do Santos bele ona asume kna’ar importante nudar Prezidente República Timor-Leste,” nia deklara.
Nune mós kandidatu Armanda Berta aktulamente hetan ona konfiansa husi VIII governu Konstitusional, hodi asume kargu hanesan Vice Primeira Ministra (VPM), no Ministra Solidariedade social e inkluzaun (MSSI), ne’ebe nia hatudu ona serbisu iha nia Governasaun,tan ne’e tempu ona jerasaun foiun atu asume knaar Prezidente Repúblika.
