Home EduTek Selebra Loron Juventude, Joven Sira Husu Espasu Publik Seguru no Hapara Asediu...

Selebra Loron Juventude, Joven Sira Husu Espasu Publik Seguru no Hapara Asediu Sexual

85
0

Ministra Eduakasaun, Juventude no Desportu (MEJD), Dulce de Jesus Sorares, simu deklarasaun Loron Internasional Juventude ne’ebe fo sai rekomendasaun 10 ba governo no instituisaun publiku sira hodi hodi kria espasu seguru ba joven sira, no hapara asediu sexual ba joven feto no joven LGBTI no joven defisiensia.

Preokupasaun kona ba espasu publik mak segurua no asediu sexual ne’e mak sai nudar tema nasional ba Loron Internasional Juventude nian ne’e. Tema ida ne’e reflete situasaun moris mak joven feto, joven LGBTI no joven defisiensia sira hasoru.   Iha kontextu inkluzasaun sosial governo tau tiha ona atensaun ba asuntu seguransa espasu publik nian ho objetivu atu hasae partisipasaun joven marjinalizadu sira iha prosesu dezenvolvimentu nasional. Iha karta deklarasaun ne’e hatete katak, “Maski Planu Estratéjiku Dezenvolvimentu Nasionál (PEDN) no Polítika Nasionál Juventude fó importánsia boot ba prinsipiu inkluzaun sosiál, maibé joven sira kontinua lamenta. Joven feto sira labele lao seguru iha tempu bainhira de’it no la seguru iha dalan públiku sira. Joven LGBTI no joven sira ho defisiénsia mos kontinua hetan diskriminasaun iha uma laran no iha fatin públiku sira, ladún hetan asesu di’ak no la seguru atu asesu espasu públiku nian.” Lansamentu Rekomendasaun 10 hodi husu, “Hapara Asediu Sexual! Fo Fatin Publiku Seguru ba Joven Sira Hotu,” halo ba publik horiseik, 14/08, iha SEJD, Dili.

Dokumentu ne’e mos refere ba PEDN nia espiritu hodi tau inkluzaun sosiál nudár parte importante ida hodi loke dalan no fasilita partisipasaun ema hotu-hotu, inklui joven sira mak iha risku nia laran hodi partisipa iha dezenvolvimentu. Atu halo ida ne’e, governu halo tiha ona esforsu hodi tau iha fatin enkuadramentu legal no polítika sira ba boa governasaun, inklui Polítika Nasionál Juventude, hodi orienta servisu dezenvolvimentu juventude iha area hotu-hotu, bazeia de’it ba prinsipiu sira hosi polítika ne’e.

Governu Timor-Leste hatudu tiha ona ninia kometimentu atu promove inkluzaun sosiál, liu hosi PEDN no mós planu governu nian mak aprova tiha ona iha Parlamentu Nasionál. Governu Timor-Leste mós opta tiha ona atu halo servisu hodi atinje Objetivu Dezenvolvimentu Sustentável sira (ODS). Governu halo ida ne’e hodi alinha ODS ho PEDN.

Rekomendasaun ne’ebe joven sira hato’o mak:1) Hasa’e koñesimentu públiku nian kona-ba asuntu seguransa joven sira nian, envolve mane no labarik-mane sira nu’udar ajente sira ba mudansa;2)Dezenvolve lei espesífiku no mekanizmu atu implementa lei relasiona ho asédiu seksuál iha fatin públiku, nune’e mós fó enkorajementu ba feto no mane mak hetan asédiu seksuál atu hato’o kesar bainhira akontese: 3) Ba PNTL enkoraja joven sira mak hetan asédiu seksuál hodi hato’o kesar, no kria mekanizmu hato’o kesar ne’ebé konfortavel liu (liu hosi telephone, ba postu polísia, ka hato’o kesar liu husi organizasaun seluk); 4) Organizasaun komunidade nian sira atu tau protesaun ba ema marginal sira nudár regulamentu prioridade ida iha relasaun entre membru komunidade iha espasu públiku; 5) Promove koñesimentu ema hotu nian kona ba ema nia diversidade, inklui ema LGBTI no ema ho defisiénsia;6) Regula transporte públiku no fatin públiku seluk (merkadu, jardín, tasi-ibun) atu hatán ba asuntu seguransa; 7) Envolve no haforte kapasidade lideransa komunidade, setór privadu, media no lider universitáriu hodi halo Timor-Leste sai inkluzivu no seguru liu; 8) Dezenvolve infrastrutura & integrasaun seguransa feto sira-nian iha dezenvolvimentu urbana (planeamentu, orsamentu, responsabilidade), no tau fasilidade sira iha espasu públiku ne’ebé asesivel ba joven hotu-hotu; 9) Organiza no jere espasu públiku (digital no fíziku) nudár espasu seguru no protejidu mak respeitu direitu joven hotu-hotu, no oportunidade asesu ba joven hotu-hotu, liuliu feto no grupu marginal sira; 10) Governu atu aloka rekursu, inklui rekursu umanu no finanseiru, hodi implementa rekomendasaun ne’ebé temi ona no kontinua suporta monitorizasaun ba implementasaun rekomendasaun hirak ne’e.

Lansamentu rekomendasaun ne’e halo iha Salaun Biti Bot SEJD, partisipa hosi Ministra Edukasaun, Sekretariu Estadu ba Juventude no Desportu, Diretores SEDJ, no mos reprezentante sira. Jovend besik 200 mak partisipa iha lansamentu ne’e. Semeronia ne’e organiza hosi Cruz Vernmelha Timor-Leste, SEJD, Centru Juventude Becora, no Centru Juventude Comoro.

 

 

LEAVE A REPLY

Please enter your comment!
Please enter your name here