Home Notisia SEAK: UNESCO Paris Sei Anunsia Katak Tais nia Nain Mak Timor-Leste

SEAK: UNESCO Paris Sei Anunsia Katak Tais nia Nain Mak Timor-Leste

972
0
Tais Timor-Leste. [Foto: Copyright CGTN | 25.08.2020]

Reportazen Bernarda da Costa

Tais nudar identidade povu Maubere ne’ebe mak sempre uza hanesan uniforma tradisional. Relasiona ho tais Timor Sekretario Estado Arte no Kultura (SEAK), Teófilo Caldas hateten agora dadauk servbisu hamutuk hela ho Komisaun Nasional Timor ba UNESCO hamutuk ho UNESCO Jakarta, Timor Aid no Consellu Imprensa (CI) hahu husi tinn 2016, simplesmente iha 16 Marsu 2020 haruka ona tais Timor ba iha UNESCO París no hetan ona numero de verifikasaun 1688 komprometido iha Marsu 2021 no UNESCO París sei anunsia ba iha  mundo tomak katak tais nia nain mak Timor-Leste.

“Ami liu husi diresaun sira halo ona sensibilizasaun, hodi sensibiliza komunidade atu organiza no konserva tais sai hanesan patrimonio ida ba Timor nian”, dehan Sekretario Estado Teofilo ba jornalista sira iha UNTL, fakuldade siensia sosiais, tersa (25/08).

Nia dehan estatuto funsaun publiku hateten katak iha loron bot sira, funsonario hotu-hotu tenke uza traze nasional liu-liu uza tais, hodi partisipa iha serimonia loron boot Timor nian. Maibe SEAK dehan sei hasoru difikuldade ba kestaun ne’e, ho nune’e SEAK hamosu hela esbosu dekretu lei ida, hodi bele aplika ba kargu sefia sira, atu uza tais iha loron boot Timor nian no mos uza iha primeira semana bainhira hasae Bandeira.

SEAK mos informa iha tinan 2022 Timor-Leste sei rezistu tan uma lulik, sai hanesan patrimonio Timor-Leste nian ba iha mundo.

Oras ne’e industria kiikoan sira lao hela, liu-liu grupo artezanatu sira ne’ebe mak soru-tais no hanoin hela oinsa mak governu bele kapitaliza orsamento ba iha empreza ruma, atu bele produz tais sai hanesan industria boot ida.

Difikuldade no frakeza ne’ebe mak sei hasoru tuir Sekretariu Estadu Teofilo rekonnese katak tais Timor labele fase, tanba ne’e hanoin, oinsa empreza balun bele produz tais ne’e hodi garante nia kualidade diak, atu nune’e ema uza bele no fase, maibe to agora empreza sira seidauk halo nia propost. Governu husu ba empreza sira hodi hatoo proposta, hodi nune’e governu bele aprova.

LEAVE A REPLY

Please enter your comment!
Please enter your name here