Home Notisia Presiza Dezenvolve Patrimoniu Istoriku no Kultural Hodi Sai Fatin Turizmu

Presiza Dezenvolve Patrimoniu Istoriku no Kultural Hodi Sai Fatin Turizmu

409
0
Sekretario Estado Arte no Kultura, Teófilo Caldas. [Foto: Bernarda da Costa | 25.08.2020]

Reportazen Bernarda da Costa

Patrimonio istoriku no patrimonio kultural sira, liu-liu patrimonio arkitetoniku nia orijem husi Portugues, hanesan eiz rezistensia administrador, eiz prizaun no puzada sira tenke dezenvolve hodi sai hanesan fatin turizmu atu ne’e bele atrai turista sira bele ba vizita.

Sekretariu Estadu Arte no Kultura (SEAK) liu hosi programa VIII Governu Konstituisional, fo kompetensia bai ha SEAK hodi bele tau matan ba patrimonio istoriku no kultural sira iha Timor.

Sekretario Estado Arte no Kultura, Teófilo Caldas informa ba jornalista sira iha Kampus UNTL, Fakuldade Siensia Sosial katak iha tinan 2021, sei halo rehabilitasaun ba eis prizaun Aipelu no Muzeun Nasional tamba Muzeun Nasional nia funsaun importante tebes, atu halo konservasaun, prezervasaun ba patrimonio historiku sira no espera Parlamentu Nasional bele aprova Orsamentu Jeral Estadu.

Tanba tuir SEAK katak orsamentu ne’ebe tau, hodi hadia Muzeum Nasional ho montante $2 millaun tuir kestaun tekniku ne’ebe mak engineru sira hato’o.

Sekretariu Estadu ne’ebe sai orador iha seminaru ne’ebe realiza hosi UNTL, hodi koalia konaba oinsa  atu konserva patrimonia istoriku no patrimonia kultural sira. Sekretariu Estadu hateten hare ba referensia sira, liu-liu Konstituisaun RDTL iha artigo 6 no 59 ne’ebe koalia liu konaba patrimonio kultural, atu husu ba sidadaun hotu-hotu, atu iha vontade no konsiensia atu bele partisipa hodi halo konservasaun, protesaun  no prezervasaun ba patrimonio kultural sira.

Iha mos dekretu lei numeru 33/2017 rezime juridiku patrimonio kultural hateten protesaun, prezervasaun no salva guarda.

Liu hosi seminariu ne’e SEAK husu agradese ba UNTL, liuhusi Fakuldade Siensia sosiais ne’ebe mak realiza ona seminariu ho lema um país, uma povo e uma identidade, atu nune’e bele sensibiliza komunidade sira no espesial ba estudante sira, atu konese no halo konservasaun no valoriza patrimonio kultural no istoriku.

Print Friendly, PDF & Email

LEAVE A REPLY

Please enter your comment!
Please enter your name here