Home Notisia TMR: Lider Diak Sei Lori Desizaun Ba Diak Mak Barak Liu

TMR: Lider Diak Sei Lori Desizaun Ba Diak Mak Barak Liu

504
0
Primeiru Ministru Taur Matan Ruak iha konferensia partidu FRETILIN. [Foto: Bozzy Costa | 14.03.2020]

Reportazen Zevonia Vieira

Partidu FRETILIN halao konferensia nasional ba dahaat nian iha salaun Katedral Dili. Liu hosi konferensia ne’e Primeiru Minsitru atual Taur Matan Ruak ne’ebe hetan konvite hosi partidu FRETILIN hodi partisipa, iha deskursu hateten Timor nudar nasaun independente no preokupasaun permanente maka oinsa mantein koezaun politika no social iha nasaun ne’e, ba dezenvolvimentu nasaun nian.

Ita nia nasionalismu, ita iha prosesu harii estadu no nasaun maibe ita nia konsolidade ne’e apartir hosi espritu do nasaun mak estadu. Maioria ne’e ba buat los deit ka ba buat salah mos, depende se mak ukun. Lider diak, nia lori desizaun ne’e ba diak mak barak liu duke at. Lider at barak liu ba at duke ba diak”, hateten Taur Matan Ruak, 14/03.

Hanesan Prezidente partidu PLP ne’e mos hateten katak iha eleisaun 2017 no 2018,  situasaun ne’ebe publiku hatene iha aranju maioria ida, atu governa enfelismente maioria foin dadauk ne’e kolaps tiha. Razaun kolaps ne’e tanba kandidatu nain 7 ne’ebe impoin Prezidente da Republika sedauk fo posse.

“Maibe tanba buat ne’e dada hela deit, entaun ami bunuh diri tiha. Ema balun dehan trai, hau hare laos hanesan trai, maibe ami bunuh diri oituan, entaun Primeiru Ministru mak tenke lori nia todan Hau nia vida premeiravez depois sai Prezidente da Republika, hau mai vida politika, hau nia kareira tomak ne’e military . Kuandua hau tama politika, ema dehan tenke abu-abu oituan. Uluk mutin metan, agora abu-abu hau la hatene, dalaruma konfuzaun porada deit, to’o aprende iha ezersijiu ne’e nia laran”, tenik Taur Matan Ruak.

Taur Matan Ruak mos fo hanoin fila fali konaba dialogu ne’ebe Prezidente da Republika halo ho lider partidu sira. Prezidente da Republika hateten eleisaun antesipada nudar ultimu rekursu, partidu sira iha asentu parlamentu halo halo aranjus, no Primeiru Ministru kontinua halo nia fungsaun ho normal.

“Ita dalaruma konfundi opiniaun entre lider sira ho Prezidente da Republika nian. Prezidente da Republika orgaun uni pesoal, nia konsulta ho ita, maibe nia desidi tuir nia konsensia, vizaun no nia desidi bazea ba interense no objetivu nasaun nian, katak estabilidade governativa ida ne’e mak importante”, hateten Taur

Iha fatin hanesan Sekretariu Jeral partidu FRETILIN, Dr. Mari Alkatiri hateten prezensa hosi Primeiru Ministru VIII Governu Konstituisional, Taur Matan Ruak nia prezensa ho lider partidu sira seluk ne’ebe mak partisipa ne’e nudar parte hosi demokrasia no FRETILIn hahu ona ida ne’e no sei hetan resetividade mai hosi seitor hotu.

Iha konferensia nasional ne’e hetan partisipasaun hosi delegasaun Partidu Demokratiku, PLP, KHUNTO no Partidu Desemvolvement Nasional.

LEAVE A REPLY

Please enter your comment!
Please enter your name here