Home Notisia Brigada LAT Garante Lere Sei Manan Iha Primeira Rounde, Hodi Marka Deferénsia

Brigada LAT Garante Lere Sei Manan Iha Primeira Rounde, Hodi Marka Deferénsia

361
0
Brigada LAT halo konferensia imprensa. [foto: Silvino | 27.02.2022]

Reportajen Silvino Freitas

Brigada apoiu Lere Anan Timor (LAT) kompremitidu atu apoiu Jenerál Lere Anan Timur iha eleisaun prezidensiál ba periodu 2022-2027, brigada ne’e garante kandidatu númeru 8, Tito da Costa Cristóvão ho naran kódigu Lere Anan Timur sei manan iha primeiru rounde.

Tuir Portavós Rigo Gautula, Brigada LAT fo votu konfiansa tomak ba kandidatura independente Tito Cristovão atu hetan vitória iha eleisaun prezidensiál hodi serve povu no estadu RDTL.

“Kandidatu Prezidente Republika Lere Anan Timur mai ho filozofia ida katak, marka diferensa hau la iha osan atu fahe ba povu maibe hau iha domin, unidade, paz, estabilidade, solidaridade no justisa hirak ne’e mak xave ba dezenvolvimento” dehan portavoz Rigo liu husi komunikadu imprensa iha Largo Lesidere,(26/02).

Nia garantia katak wainhira sai prezidente republika Jeneral Lere sei hakruuk de’it ba konstituisaun RDTL tuir artigo 85, promove dialogu hodi garante unidade nasional, tetu orsamentu jeral ho didiak, konsidera liberdade espresaun hodi kombate injustisa no diskriminasaun sosial.

“Brigada LAT prontu servisu no tau forsa hamutuk ho povu tomak hodi fo apoiu ba kandidatu Lere iha eleisaun prezidensial, hodi bele hakotu impase politika ne’ebé dadaun ne’e hatodan hela ekonomia estadu RDTL nian” dehan nia.

Iha fatin hanesan membru Birgada LAT, Aje Maubere hateten dadaun ne’e brigada LAT nia estrutura too ona iha munisipiu hotu no politika ne’ebé brigada iha sei halo dortudor hodi infuluensia sosiedade hotu atu fo vitoria ba Lere Anan Timur hodi sai Prezidente Republika ba periodo 2022-2027.

“Ami garantia katak liu husi dortudor Lere jeneral Lere sei manan iha eleisaun primeira ronde” Aje Maubere Konklui.

Print Friendly, PDF & Email

LEAVE A REPLY

Please enter your comment!
Please enter your name here