Reportajen Joselina dos Santos
Ministru Ensinu Superiór, Siénsia no Kultura (MESSK), Longuinhos dos Santos hasoru malu ho Primeiru-Ministru (PM), Taur Matan Ruak iha kinta-feira (19/01) ne’e, hodi ko’alia kona-ba Programa ne’ebe sei implementa iha tinan 2023, ba primeiru trimestrál, no mós estudu viabilidade dezeñu no moru ba sidade Universitáriu Aileu nian.
Hafoin enkontru, Ministru Ensinu Superiór, Siénsia no Kultura (MESSK), Longuinhos dos Santos hateten ohin Ko’alia kona-ba implementasaun sub programa ba atividade, ne’ebe sei implementa iha 2023 ba primeiru trimestrál nian, katak MESSK iha programa 3 no sub programa 9 no atividade 29, programa hirak ne’e presiza trasa ona kronograma ida atu bele implementa iha primeiru trimestrál nian.
“Iha primeiru trimestrál daudaun ne’e ita la’o mak atu rekruta estudante sira ne’ebe atu tama iha Ensinu Superior Públiku UNTL, tuir mai sei implementa kona-ba bolsu hakbit ne’ebe sei rekruta iha territoriu laran, ida ne’e ekipa sei tun direita ba iha Munisipiu nomós ba Postu-Administrativu, tuir mai mak bolsa Parsiál, bolsa Meritu no balsa ba Dosente sira ho Universidade Privadu sira seluk”, dehan, Ministru Ensinu Superiór, Siénsia no Kultura (MESSK), Longinhos dos Santos iha Palacio do Governu, Kinta 19/01.
Governante ne’e salienta, sei Kontinua obra Institutu Politiku Betanu (IPB), ne’ebe konstrui hodi kontinua no mós sidade Universitariu Aileu ne’ebe nia progresu, sei entrega ba totalmente prosesu tomak husi Komapañia no sei Atualiza hamutuk ADN depois tama ba prosesu Administrativa ba aprovizionamentu nian.
