MAEKOM hatudu katak MAEKOM iha manu-luhan total 53, total investimentu ba konstrusaun manu-luhan ho total orsamentu $715,000.00 no total investimentu ba Day Old Chicken [DOC] ka manu-Frangu oan hamutuk $510,125.00, tanba ne’e total investimentu to’o ohin loron ba DOC ho luhan sira, la inklui rai no ativu [asset] sira seluk hamutuk $1,225,625.00.
Relasiona ho grupu agrikultur sira iha rai laran ne’ebe komesa halao servisu makaas, hodi promove ai-han lokal, tanba bele fo benefisiu ba grupu, kompania lokal sira no mos ba agrikultor sira, Eiz Prezidente da Republika Timor-Leste, Dr. Jose Ramos Horta ba Neon Metin hateten katak Timor oan sira komesa produs ona bee iha rai laran, fo intensivu ba sira atu kontinua halo produsaun.
“Governu labele fiar demais merkadu livre, ita nia produtu lokal iha maibe ita kontinua importa nafatin produtu hosi rai liur, fo intensivu ba folin tun, laos importa fali foos hosi Vietnam ka Thailandia nian. Fo intensivu ba grupu lokal sira iha Timor laran ne’ebe halo produsaun agrikultura nian ne’ebe durante ne’e sira halo, laos fo fali intensivu ba produtu sira hosi Vietnam no rai seluk hodi importa fali foos mai Timor”, hateten Dr. Jose Ramos Horta iha CCD, 16/01.
Iha parte sorin grupu no kompania lokal sira ne’ebe komesa hatudu sira nia esforus, hodi haburas ekonomia hosi rai laran, hosi dadus ne’ebe Neon Metin hetan katak Movimentu Asaun Ekonomia Komunitaria [MAEKOM], katak konsege halo kooperasaun diak ho Banco Nasional Comercio de Timor-Leste [BNCTL] no membru sira hahu hetan fasilidade apoiu finanseiru, hodi aumenta produsaun produtu sira.
Iha tinan 2019 nia laran, MAEKOM atu konsege haleu teritoriu tomak ho modelu ne’ebe hanesan, iha municipiu sira ne’ebe harii ona manu-luhan.
Tuir komunikadu imprensa ne’ebe distribui hosi MAEKOM hatudu katak MAEKOM iha manu-luhan total 53, total investimentu ba konstrusaun manu-luhan ho total orsamentu $715,000.00 no total investimentu ba Day Old Chicken [DOC] ka manu-Frangu oan hamutuk $510,125.00, tanba ne’e total investimentu to’o ohin loron ba DOC ho luhan sira, la inklui rai no ativu [asset] sira seluk hamutuk $1,225,625.00.
MAEKOM rasik ho mehi ne’ebe boot, hodi hasai povu hosi kiak no mukit no harii ekonomia hosi baze no MAEKOM fiar katak povu maka say nain ba setor produtivu.
