Home Notisia RENETIL Hahu Peskiza Diagnostiku Edukasaun nian Semana Oin

RENETIL Hahu Peskiza Diagnostiku Edukasaun nian Semana Oin

514
0
Sekretariu Jeral RENETIL Juaquim "Russo" Fonseca no Diretor Jeral MEJD Antoninho Pires asina akordu ba konsultasaun kurrikul iha MEDJ. [Foto: Zevonia Vieira | 15.11.2019]

Reportazen Zevonia Vieira 

“Agora dadauk Timor ukun an ona, maibe nesesidade ba sidadaun ba konsensia revolusionaria kontinua eziste, tanba dezenvolvimentu sei naruk, libertasaun ba povu ne’e sei naruk, entaun RENETIL hakarak konnese didiak sistema ensinu baziku ida iha Timor, tanba nia mak harii fundasaun ba prosesu edukativu, atu hatene didiak nia andamentu ne’e oinsa”. Russo

RENETIL komesa prepara hodi hahu halo peskiza diagnostika ba kurríkular sikulu 21 iha municipiu haat. Atividade peskiza ne’e halao, tanba RENETIL servisu hamutuk Ministeriu Edukasaun no Desportu [MEJD].

Liu hosi entrevista ho NEON METIN, Sekretariu Jeral RENETIL,  Joaquim “Russo” da Fonseca hateten peskiza dianostiku ida ne’e bazea ba akordu ne’ebe RENETIL halo ona ho Miniteriu Edukasaun no Juventude [MEJD].

“Iha semana oin sira sei hahu ba municipiu hodi hau halo entrevista ho estudante, profesores, inan-aman no director eskola sira bazeaba folmulariu ne’ebe prepara hosi Ministeriu Edukasaun, maibe halibur mos dadus ne’ebe kualitativu ba kondisaun eskola nian ou informasaun sira ne’ebe la tama iha folmulariu nia laran”, hateten Russo

RENETIL ho MEJD halo formasaun loron rua ba unomerador sira, hodi esplika konaba formatu questionariu sira ne’e no mos buka dadus kualitativu hirak ne’e. Bazea ba dadus sira ne’e mak RENETIL sira halo sumariu ida hosi rezultadu peskiza no entrega ba MEJD hodi halo analiza hamutuk”, hateten Ruso, 16/01.

Iha atividade peskiza ne’e rasik, RENETIL halo peskiza iha municipio haat hanesan Aileu, Manufahi, Covalima, Ainaro. RENETIL rekruta enomeradores ka ema sira ne’ebe foti dadus total 12 no sei lideradu hosi peskizador prinsipal nain rua, hosi RENETIL. Unumerador balun mai hosi milintante RENETIL, no balun foti hosi joven sira ne’ebe iha esperiensia halo peskiza iha baze.

Tuir Sekretariu Jeral RENETIL katak area edukasaun, nudar area ne’ebe prinsipal tebes ba RENETIL. Iha RENETIL nia linha orientasaun, iha segundu pontu ne’e koalia konaba preparasaun professional ho konsensia revolusionaria atu partisipa iha rekonstrusaun nasional.

“Agora dadauk Timor ukun an ona, maibe nesesidade ba sidadaun ba konsensia revolusionaria kontinua eziste, tanba dezenvolvimentu sei naruk, libertasaun ba povu ne’e sei naruk, entaun RENETIL hakarak konnese didiak sistema ensinu baziku ida iha Timor, tanba nia mak harii fundasaun ba prosesu edukativu, atu hatene didiak nia andamentu ne’e oinsa. Peskiza ne’e rasik sei la fo buat hotu, maibe komesa hatene oituan konaba sistema edukasaun iha Timor ne’e realmente edukasaun ne’ebe libertador, se libertador sistema edukasaun ne’ebe atu forma sidadaun kritiku ka lae”, hateten Russo.

Russo hatutan RENETIL iha nesesidade atu hatene kondisaun sistema edukasaun iha Timor no hare, se atu hadia karik, atu hadia iha ne’ebe, tanba ba RENETIL barometru importane ba susesu edukasaun ne’e katak nia bele kria no kontribui ba prosesu libertasaun.

Atividade ba peskiza diagnostika ida ne’e RENETIL hetan orsamentu hosi Ministeiru Edukasaun no Juventude [MEJD] ho total $28,000.00 dollar Amerikanu.

 

 

LEAVE A REPLY

Please enter your comment!
Please enter your name here