Home Notisia MAE Atualiza Preparasaun Komemorasaun 28 Novembru ba Dala-46 Ba Xefe Estadu

MAE Atualiza Preparasaun Komemorasaun 28 Novembru ba Dala-46 Ba Xefe Estadu

431
0
Ministru Administrasaun Estatál (MAE), Miguel Pereira de Carvalho. [Foto: Santy | 22.11.2021]

Reportajen Santina Lucia da Costa

Ministru Administrasaun Estatál (MAE) atualiza preparasaun serimonia ba loron Proklamasaun 28 Novembru dala-46 ba Prezidente Repúblika, Dr. Francisco Guterres Lu Olo, no sei prezide Loron Proklamasaun independénsia iha  Munisípiu Baucau.

Hafoin enkontru, Ministru Administrasaun Estatál (MAE), Miguel Pereira de Carvalho dehan selebrasaun 28 Novembru 2021 nian, komisaun organizadora hamutuk ho komunidade sira iha Baucau estabelese ona atividade iha Munisipiu Baucau.

“Ohin hau mai hanesan Prezidente Komisaun Organizadór ba Selebrasaun 28 Novembru ba dala-46 Proklamasaun RDTL nian hodi atualiza preparasaun Serimonia sira ba loron 28 Novembru nian iha tinan 2021. Komisaun Organizadór agradese Prezidente Republika ninia tempu para atu bele atualiza atividade sira.” Hateten, MAE, Miguel Pereira de Carvalho iha Palasiu Prezidensial Nicolau Lobato, Bairu-Pite, 22/11.

Miguel informa atividade sira ne’e, hahú husi 12 Novembru 2021 realiza ona atividades ba abertura Desportu komunitaria, iha teritoriu Timor-Leste, hanesan jogu Futeból, Volleyball, Basket para atu envolve ita nia komunidade sira hotu iha selebrasaun ida ne’e.

Miguel akresenta husi loron 22 Novembru 2021 to’o 28 Novembru 2021  hahu realiza feira ne’ebé organiza husi Ministériu Turizmu Komérsiu Indústria (MTCI) iha Baucau, feira ne’e sei hala’o ohin to’o remata iha 28 Novembru 2021, aleinde ida ne’e, 27 Novembru 2021 sei realize misa agradesimentu iha Igreja Baucau Villa, bainhira termina missa konvidadus no sarani sira sei ba iha jardín eroi Fatumaka, halo pozisaun osoarius iha ne’eba.

Nia hatutan atividade Iha loron 28 Novembru sei kolmina iha loron Domingo, 28 Novembru 2021 iha ne’eba sei realiza serimónia hasa’e bandeira iha Baucau. Seremonia hasa’e bandeira sei prezide diretamente husi Prezidente Republia no sei iha kondekorasõens ba veteranu hamutuk na’in-50,  no serimonia remata iha oras 16:00 lokraik, sei hatun bandeira prezide husi Prezidente Parlamentu Nasionál, Aniceto Guterres.

Nia realsa tan katak, preparasaun  ba selebrasaun ne’e, iha terenu másimu teb-tebes to’o ona 90%, ohin loron feira ne’e preparadu 100% ona hein abertura de’it.

Tema husi Selebrasaun Proklamasaun Independénsia 28 Novembru  tinan ne’e nian maka “ A União e a Luta Conjunta para Vitória de Todos.”

Miguel Pereira, dehan, Tema ida ne’ebé maka komisaun organizadora hili maka, husu ba Timoroan sira hotu para atu unidu iha luta ida ne’e, no mós unidu para atu manan, unidu iha luta ida para atu bele Timor-Leste sai husi Pandemia Covid-19, no sekuénsia husi koerénsia dezastre natural iha loron 4 Abríl ho mós situasaun agora ita simu informasaun sira katak, sei akontese La-niña iha ita nia rai laran.

Enkuantu ba komemorasaun 28 Novembru 2021, governu aloka orsamentu por volta $400.000 mill dollares.

Print Friendly, PDF & Email

LEAVE A REPLY

Please enter your comment!
Please enter your name here