Home Feature Remata Estudu Iha DIT, Pascoal Fila Ba To’os Haburas Setór Ortikultura Iha...

Remata Estudu Iha DIT, Pascoal Fila Ba To’os Haburas Setór Ortikultura Iha Vemasi

4344
0
Pascoal kolleta hela tomate iha Vemasi. [foto: Joselina | 22.11.2021]

Reportajen Joselina dos Santos

Halakon dependénsia ba ema seluk, oinsá hikis kosar wen hodi sustenta moris mak sai dalan alternativa, hodi sobrevive, idade joven laos osbtaklu ida, hodi deside moris ne’ebe diak liu ba futuru.

Pascoal F. Soares joven ida ne’ebe hasai lisensiatura iha Universidade Dili Institute of Technology (DIT), Fakuldade Turizmu no Manajementu Ospitalidade, iha Departamentu Manajementu Ospitalidade, ho inisiativa rasik kria serbisu ba an rasi, no nakloke ba ema hotu hodi aprende no dezenvolve an, tanba Pascoal dehan labele husu ba governu saida mak ita hakarak, maibe husu ba ita nia an rasik, saida mak ita bele halo hodi kontribui ba governu

Pascoal ho nia kolega sira harii Grupu Community Service iha tinan 2019, ho objetivu atu kria kampu traballu ba sira nia an rasik, no bele fo tulun ba ema sira ne’ebé mak presiza sira nia tulun, iha grupu refere hamutuk ema na’in 9, feto na’in 4 no mane na’in 5, ne’ebe serbisu hamutuk hodi halo grupu ne’e to’o oin loron.

Koordenador Community Service, Pascoal F. Soares hateten maski nia Lisensiadu ida, maibe ko’alia kona-ba área integradu,  lisensiatura hotu no kria serbisu ba nia an rasik, no mos fo tulun ba ema seluk  liu-liu atu hamenus dezempregu iha rai laran, tanba nu’udar objetivu  intelektuál ida.

“Ha’u Hakarak mos kria kampu servisu ba foin sa’e sira ne’ebé mak dezempregu hela, maske la haree ba sira nia abitacões no mos ba sira nia profisaun ne’ebé mak dadaun ne’e submete hela. Entaun iha prosesu hotu ne’e mak naran bolu servisu amizade ho Saudavel,” Dehan Kordenador Comunity Service ba Neon Metin iha Suku Loi-Lubo, Postu-Administrativu  Vemasse Munisipiu Baucau 20/21.

Joven kreativu ne’e hatutan, objetivu tuir mai mak hakarak hamosu kreximentu ekonomia pessoal, maibe mos ba  membru hotu no nakloke  ba ema hotu, atu bele aprende tau ba pratika, kria rasik retornu ba sira nia an.

“Nu’udar ema lisensiatura labele tan ne’e liman de’it ba Governu, maibe ita rasik mos tenke kria situasaun integradu ida atu nune’e ita laos fo benefisiu ba aan deit, maibe fo  benefisiu mos ba  maluk sira ne’ebe mak presiza ita nia tulun hanesan mos neon nain ida,” dehan Pascoal

Pascoal haktuir husi inisiativa ne’ebe kria ona, sira halo peskiza durante fulan 3, no hatudu katak iha suku 59 mak foka liu ba iha area kreximentu ekonomia komunidade nian, nune’e akonsela sira hodi harii no bele sai nain ba grupu ne’e rasik.

Nia dehan bainhira hahu kria grupu ne’e, primeiru fundus tentativa halo iha projetu ne’e iha variedade produsaun mak hanesan ortikultura.

“Atualmente ami halai liu ba iha merkadu lokál, tanba daudaun ne’e iha produsaun barak ne’ebe mak perkore iha rai laran, entaun ami halo kontratu ho loja balun ne’ebé kredivel atu bele hetan rendimentu,” dehan Pascoal ba Neon Metin

Husi Produsaun tomate iha tempu di’ak, kada  semana sira bele hetan rendimentu kuaze $500, no kada loron koleta bele hetan $ 12.00 ate $ 18.00 mínimu liu mak hetan 8%.

“Nu’udar joven ida, ha’u nia planu ba futuru hakarak kria empregu ba ema hotu, liu-liu ba foinsa’e sira ne’ebe mak iha interese hadomi nia ambiente no hadomi nia produtu lokál. Mezmu tempu la naton  maibe  hakarak mos avansa iha auto-empregu, planu iha ona maibe oinsa mak ita bele konkretiza ba oin tanba ita presiza tempu no prosesu, no hakarak mos kria Eko-Turismu komunitária liu-liu ba komunidade lokal sira,” dehan Pascoal ho komitmentu boot

Pascoal tenik tan ba Neon Metin katak maske serbisiu ne’e halao ona, maibe sempre iha obstaklu mak menus fasilidade, koñesimentu, rekursu no fundus.

Maske nune’e benefisiu boot mak sira kria kampu de servisu, hamosu retornu ba pesoal no grupu, no fo apoiu maski jeralmente ema la hetan no la hare, maibe  bele fo apoiu ba Ministériu Saude liu-liu iha área nutrisaun, tanba produtu sira ne’e ho produtu ne’ebé as, hanesan mos espasu ida hodi hataan ba ema nia saude.

Iha fatin hanesan Neon Metin hakbesik an ba  membru téknika, Jacinta A. Correia konaba serbisu ne’ebe sira halao, ba Neon Metin nia dehan haksolok tebes bele inklina iha grupu ne’e, tanba bele buka osan rasik no halakon dependénsia ba inan aman.

Print Friendly, PDF & Email

LEAVE A REPLY

Please enter your comment!
Please enter your name here