Home Notisia Espoza PR Vizita Labarik Feto Vulneravel Isin Rua Sedu na’in 45 Iha...

Espoza PR Vizita Labarik Feto Vulneravel Isin Rua Sedu na’in 45 Iha Ainaru

722
0
Espoza Prezidente da Republika (PR), Cidália Nobre Guterres. [Foto: David | 20.11.2021]

Reportajen David da Costa Gusmao

Grupu feto vulneravel  na’in 45 iha Ainaru  hato’o Preokupasaun ba espoza Prezidente Republika, Cidalia Guterres konaba situasaun ne’ebe sira hasoru.

Ba jornalista sira Country Director Plan Internasional Timor-Leste, Diliana Ximenes hateten dadus ne’ebe mak Plan International rejista ona, konaba labarik feto sira ne’ebe mak isin rua sedu no kaben sedu iha munisipiu Ainaru hamutuk ema nain 45, grupu feto vulneravel hirak ne’e hasoru espoza Prezidente Republika hodi hato’o sira nia preokupasaun

“Espoza Prezidente Republika mai vizita Plan International iha Ainaru, tanba espoza Prezidente mós hanesan Embaixadora ne’ebe mak serbisu hamutuk ho Plan International kuaze tinan ida ona, hodi halo kampaña no esforsu, hodi trava ema labele kaben sedu no isin rua sedu, ba ita nia oan feto sira  no mós hapara violénsia hasoru feto no labarik feto sira,” dehan Diliana iha Munisipiu Ainaru, Kinta 18/11.

Nune’e Country Director Plan dehan vizita ida ne’e espesiál tebes, tanba espoza Prezidente mak brand Embaixadora hodi halo kampaña, atu halakon kaben sedu no  isin rua sedu, ba  feto sira  no mós hapara violénsia hasoru feto no labarik feto sira.

“Espoza Prezidente vizita mai ami nia fatin ida ne’e, atu hasoru grupu vulneravel tatoli ba Cidália, hau labele fó sai konaba rezultadu ohin hasoru espoza Prezidente”, nia esplika.

Iha fatin hanesan Espoza Prezidente da Republika, Cidalia Nobre Guterres dehan mai hasoru alin feto sira iha grupu murak tatoli ba Cidalia, iha nee hamutuk 45, ne’ebe mak ohin 20 deit mak mai, sira ne’e mak inan foinsa’e sira, ne’ebe mak isin rua sedu no kaben sedu. Sira hakarak eskola maibe sira  nia ekonomia familia nian la sufisiente para sira atu kontinua, depois sira iha ona familia no oinsa sira nia moris ba oin.

“Tanba ne’e mak iha programa rua ne’ebe ita presiza atu halo mak edukasaun no ekonomia dezenvolvimentu komunitaria, oinsa mak atu haree ba inan feto  sira ne’ebe mak iha oan ona, sira atu kontinua sira nia moris. Ho ida ne’e ohin ami mai iha ne’e hodi rona ita nia inan feto sira nia preokupasaun, no sira tatoli hela sira nia preokupasaun mai hau, ne’ebe hau toma nota hela hodi haree oinsa hod fo solusaun,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here