Home Notisia RHTO: Papél Jornalista Importante Hato’o Lian Ema Ho Defisiénsia Iha Rural, Asegura...

RHTO: Papél Jornalista Importante Hato’o Lian Ema Ho Defisiénsia Iha Rural, Asegura Inkluzaun Sosiál

221
0
Junior da Costa Araujo hus RHTO, iha klaran, Eva radio liberdade iha liman karuk, Domingos Pereira iha liman los. [Foto: Zevonia | 30.07.2022]

Reportajen Adroaldo “Saretukau”

Iha lansamentu bulletin Media Tour ne’ebe organiza husi Oxfam iha Timor-Leste, Lafaek News ho membru koligasaun agrikultura, ne’ebe foka liu ba setór agrikultura, liuhusi konferénsia imprensa membru koligasaun agrikultura Ra’es Hadomi Timor Oan (RHTO), Junior da Costa Araujo hateten importante tebes Orsamentu Jerál Estadu iha sensivel ba ema ho defisiensia, nune’e papél media ho jornalista sira importante tebes, hato’o lian ema ho defisiénsia iha área rural, atu governu hatuur dezenvolvimentu sensivel ba jéneru iha área hotu no mos agrikultura, nune’e bele hadi’a ema ho defisiénsia nia moris iha área rural.

Nia dehan papel média no jornalista importante tebes iha parte advokasia nian no iha influénsia, tanba lian laek iha nível munisípiu, iha área rural dala ruma, ita ladun rona sira nia preokupasaun ka lian, nune’e liu hosi média, jornalista sira bele hato’o sira nia preokupasaun ba públiku, ida ne’e ajuda tebes advokasia no influénsia iha nível baze to’o nasional.

Nia salienta, asuntu difisiénsia hanesan asuntu crosscutting issue, ema hotu bele ko’alia la’os de’it organizasaun ema ho difisiénsia maibé inklui sosiedade sivíl no ministériu sira seluk, “atu nune’e asegura inkluzaun difisiénsia ba iha aktividade sira, implementasaun sira, liu-liu ita haree ba orsamentu jeral estadu hodi sensível ba ema ho difisiénsia, ba seitor produtivu sira,” reprezentante Junior iha lansamentu bulletin média tour, ne’ebé hala’o iha edifísiu Oxfam, Hudi-Laran, Kinta-feira, 28/07.

Hanesan ita hatene, iha área agrikultura hanesan área ortikultura mak ema bai-bain hasoru difikuldade ba hala’o aktividade agrikultura, entaun ba ema ho difisiénsia mais vulnerável liutan, nia dehan.

“Ema ho difisiénsia sira hela iha área rural, sira halo produsaun (agrikultura) maibé sira asesu ba merkadu oinsá, hanesan ita ko’alia infraestrutura báziku sira hanesan estrada, depois asesu merkadu ne’e oinsá mak bele ba, entaun sira mais vulnerável liu. Sira bele prodús buat hotu di’ak mais tanba de’it asesu ba infraestrutura báziku sira ne’ebé mak la asesível fo impaktu mos ba sira nia ekonomia, ne’ebé mak atu sustenta sira nia moris,” dehan Junior

Ho ida ne’e nia husu, atu média no jornalista bele haforsa lian ema ho difisiénsia nian ba iha nível nasional atu makaer ukun sira bele haree no tau kestaun ida ne’e ba sira nia diskusaun hodi rezolve problema mak ema ho difisiénsia hasoru liu-liu sira iha rural.

Print Friendly, PDF & Email

LEAVE A REPLY

Please enter your comment!
Please enter your name here