Home Notisia Violénsia Hasoru Labarik Feto ho Mane Aas iha TL, Iha 90% Ne’ebé...

Violénsia Hasoru Labarik Feto ho Mane Aas iha TL, Iha 90% Ne’ebé Partisipa Iha Levantamentu

458
0
Asia Foundation ho parseiru sira lansa relatoriu. [Foto: umbelina | 30.07.2022]

Reportajen Umbelina dos Reis

Organizasaun Naun-Governamental (NGO) Nabilan, Sekretária Estadu ba Igualdade no Inkluzaun (SEII), Prezidente Institutu Para a Defeza dos Direitu da Crianca (INDICA), no Embaixadora ba Feto no  labarik Feto Husi Australia hodi lansa Relatoriu “Violénsia kontra labarik iha Timor-Leste no vulnerabilidade ba konsekuénsia negativu bainhira adultu liga ho saúde no violénsia”

Objetivu husi lansamentu ne’e atu hamenus violénsia kontra labarik feto iha Timor-Leste, ho relatóriu ne’e hatudu violénsia kontra labarik akontese iha Timor-Leste no hamosu konsekuénsia signifikativa ba adultu sira nia saúde no bem estar familiar

Iha diskursu, Deputy Team Leader Program Nabilan Maria Veronica hateten, sente  orgullu tan relatoriu violénsia kontra labarik iha Timor-Leste konsekuénsia adultu negativu, liga ho saude hanesan violénsia kontra labarik nee hasoru problema bo’ot iha mundu tomak, fatór sira ne’ebé hetan faktu  husi feto tanba dala barak violénsia kontra feto akontese iha uma ida de’it ka uma ne’ebé hanesan.

Alende ida ne’e bainhira feto sira sei ki’ik iha probabilidade ne’ebé bo’ot hetan violénsia bainhira sira adultu tanba razaun hirak nee importante koneksaun entre violasaun kontra feto no violénsia kontra labarik  sira iha ligasaun forte ba malu, fatór sira ne’e labarik sira hetan risku atu hetan violènsia hanesan mos hasa’e feto sira nia risku atu hetan violénsia.

“Dala barak violénsia kontra feto no violénsia kontra labarik akontese iha uma ne’ebé hanesan entaun estudu ne’e uza dadus husi nabilan nia estudu levantamentu baze kona ba saúde no esperénsia moris levantamentu ne’e nível uma kain ne’ebé envolve feto no mane sira iha timor-leste kona ba sira ne’ebé hetan violénsia no halo violénsia durante sira nia moris”, dehan, Deputy Team Leader Program Nabilan Maria Veronica iha nia diskursu, iha edifisiu Fundasaun Ázia Luro-Mata, 28/07.

Nia dehan, feto no mane adultu sira relata kona ba Abuzu seksuál, abuzu emosionál abandonu inklui  fiziku. Abuzu seksuál husi mane sira 88% relata katak sira hetan pelu menus violensia tipu ida durante sei infánsia, violensia kontra labarik parseiru husi intímu no violensia, feto sira ne’ebe mak hetan kualker abuzu durante sira sei ki’ik iha posibilidade bo’ot liu dala hitu atu hetan violensia fiziku husi sira nia parseiru intímu,kompra ho feto sira ne’ebe mak nunka hetan violensia bainhira sira infásia, sira nia esperensia durante  violensia no saude bainhira sira sai adulto.

 “Violensia kontra labarik nia persentajen a’as iha Timor-Leste ba feto no mane, entre feto no mane hot-hotu ne’ebe partisipa iha levantamentu 90%, relata pelumenus insidente ida kona ba abuzu fíziku, abuzu seksuál ka abuzu emosionál ka abandonu 83%, abuzu fíziku 66%, husi feto sira relata katak sira hetan abuzu seksuál ruma durante infánsia 25%”, nia informa.

Nia konklui katak entre mane sira ne’ebé partisipa iha estudu levantamentu ba baze kona ba saúde no esperiénsia moris 88%, hanesan mos ho feto sira tipu violénsia komun liu ne’ebé mane sira hetan durante infánsia mak abuzu emosionál no abandonu 75%, maiória mane sira iha amostrajen ne’e relata katak sira hetan abuzu fíziku molok tinan 18, no 62% no 43%, Ema barak mak hetan violensia durante infánsia iha timor-leste maibé violénsia ne’e bele prevene no  esforsu sira hodi hapara, violénsia iha infansia molok violénsia akontese tenki tau ba prioridade inklui adapta programa sira ne’ebé bazeia ba evidensia no bele prevene violensia kontra labarik.

Nabilan rekomenda tenke dezenolve intervensaun sira ne’ebé fó atensaun ba ambiente uma laran no servisu hamutuk ho familia sira hodi promove pratika kuida labarik ho maneira ne’ebé pozitivu,no mos  foka ba intervensaun esfesifika hodi fo atensaun ba violensia seksuál  hasoru labarik sira ida ne’e inklui labarik mane ho feto, rekomenda mos,implementa intervensaun sira ne’ebé mak promove igualdade jeneru ka balansu jeneru no transforma mane sira nia poder hasoru feto sira inklui labarik sira

“Ami sei hamutuk ho governu programa nabilan iha kompromisu husi foti asaun no prevene violénsia kontra labarik sira, asaun xave ne’ebé mak ami identifika hanesan tuir mai ne’e, primeiru foka ba intervensaun espesifiku sira hodi prevene violensia seksual hasoru labarik sira, fornese akonselamentu apropriadu ba labarik sira hamutuk ho parseiru uma mahon sira,i kontinua implementa halo mudansa sosiais normas sira ne’ebé mak sei kontribui” nia relata

Print Friendly, PDF & Email

LEAVE A REPLY

Please enter your comment!
Please enter your name here