Home Notisia Vasina COVID-19, FONGTIL Nota Ladún Fo Prioridade Ba Feto no Ema Ho...

Vasina COVID-19, FONGTIL Nota Ladún Fo Prioridade Ba Feto no Ema Ho Defisiénsia

776
0
Diretor Ezekutivu FONGTIL, Daniel dos Santos. [Foto: Joselina | 07.09.2021]

Reportajen Joanina Casemiro

Liuhusi monitorizaun ne’ebe halo husi Forum Organizasaun non-governmental (FONGTIL), ne’ebe halao iha munisipiu hanesan Lauten, Aileu Bobonaru, Ermera, Baukau, Viqueque, Manatuto, Manufahi no Liquisa deskobre katak pesoál saúde ho lideransa autoridade sira la dun fo prioridade ba asuntu feto no ema ho defisiénsia sira, hodi asesu vasina tanba menus koñesimentu hodi halo sosializasaun ba ema ho defisiénsia.

Diretor Ezekutivu FONGTIL, Daniel dos Santos hateten taxa partisipasaun ema ho defisiénsia hanesan defisiensia matan, tilun no koalia, fiziku, physikososial ka intelektual iha sentru vasina, iha munisipiu sira la iha

Nune’e FONGTIL husu ba Ministeriu Saude halo kolaborasaun ho igreja hodi asegura taxa partisipasaun komunidade bele aumenta no prevensaun COVID-19 ne’ebé efetivu,  kria kondisaun di’ak atu ema ho defisiénsia bele asesu vasina iha Timor laran tomak, no presiza rejistu ema ho defisiénsia ketak hodi nune bele hatene númeru ema ho defisiénsia hira mak simu ona vasina.

“Presiza hasa’e rekursu ema hodi kobre fatin dook sira, liu husi kooperasaun ho lider komunidade, inklui kampaña hodi halakon rumor ka hoax iha komunidade nia le’et, no harii fali konfiansa komunidade nian mai fasilidade saúde sira, hanesan iha Postu Saúde Letefoho, Railako no fatin sira seluk”, dehan Daniel ba jornalista sira, 07/09.

Daniel hateten Ministeriu Saude tenke implementa mekanismu no politika MS nian ne’ebe  inkluzivu liu tan, hodi koresponde ba ema ho defisiénsia tuir sira nia nesesidade, no mos ekipa tenke tun direita ba iha komunidade hodi hala’o sosializasaun konaba moras COVID-19 no funsaun husi Vasina AstraZeneca no Sinovac.

Maske nune’e Diretor Ezekutivu FONGTIL mos informa katak iha munisipiu balun pesoal saude sira kontinua halo sosializasaun ba komunidade, hodi hasae komunidade sira nia konxiénsia konaba importánsia simu vasina, ne’e hatudu iha gráfiku taxa partisipasaun komunidade sira nian, ne’ebe kontinua simu vasina, no pesoal saude iha fatin vasina atende komunidade sira ho di’ak tuir protokolu saude nian.

Nia mos relata katak maioria sentru vasina iha munisipiu sira, iha stock vasina COVID-19 ne’ebe sufisiente, no lider komunitariu iha sentru vasina barak mak hahu ativu hodi enkoraja komunidade sira ba simu vasina

FONGTIL mos husu governu atu fo atensaun ba fasilidade sira iha sentru vasina, tanba espasu ne’ebe kloot, kadeira la sufisiente, bee moos mens, fasilidade la asesivel ba ema ho defisiénsia liu-liu haris fatin.

Print Friendly, PDF & Email

LEAVE A REPLY

Please enter your comment!
Please enter your name here