Home Notisia Covid-19, Antigu Alunos Kolese Santo Yoseph 98 Oferese Face Shield Ba LNS

Covid-19, Antigu Alunos Kolese Santo Yoseph 98 Oferese Face Shield Ba LNS

208
0
Antigos alunos Kolese Santo Yoseph 1998. [Foto: Armando da Costa | 05.05.2020]

Reportazaen Zevonia Vieira

Relasiona ho situsaun morac Covid-19, ne’ebe afeta mia Timor-Leste, Antigos alunos Kolese Santo Yoseph (Batch ’98) halo doasaun protetor-ba-oin ka Face Shield hamutuk unidade 150 (kaixa 8) ba Laboratóriu Nasionál Saúde (LNS) Timor-Leste.

Asaun ne’e nu’udár forma kontribuisaun no agradesimentu  ba pesoál saúde-sira iha liña frente  ne’ebé ho profisionalizmu no dedikasaun tomak halo mitigasaun, prevensaun no kombate  surtu COVID-19 iha Timor-Leste.

Antigos alunos Kolese Santo Yoseph rekoñese gravidade husi krize saúde kauza husi surtu pandemia COVID-19, ne’ebé iha impaktu bo’ot laos deit ba Timor-Leste maibe mós globalmente. Antigos Alunos Kolese Santo Yoseph apresia no agredese ba esforsus husi Governu Timor-Leste inklui asegura protesaun ba pessoal saúde-sira, maibé ho situasaun globál ne’ebé mundo enfrenta halo buat hotu sai susar tebes no nia prosesu la’o neineik. Haree ba situasaun reál ida-ne’e, antigos alunos Kolese Santo Yoseph bolu malu no halibur malu hikas fali no mai ho inisiativa hodi dezenvolve no prodús rasik ekipamentu protesaun oin nian (face shield) uza produtu sira ne’ebé disponivel iha loja balun iha Dili laran.

Kontribuisaun ida-nee nu’udár konkretizasaun hosi Dalan Inasianu ka haktuir Ain-fatin Santo Inacio husi Loyola (Caminho Inaciano) ne’ebé tane a’as prinsipiu: “women and men for and with others (feto no mane ba, no hamutuk ho ema seluk)” ne’ebé  Ordem Jezuíta sira hanorin no kuda iha antigos alunos hirak-ne’e ninia hanoin durante sira-nia formasaun iha Kolese Santo Yoseph,  hosi tinan 1995-1998.

Hein katak ho doasaun ida-ne’e bele hakmaan liutan todan ne’ebé profesional saúde-sira enfrenta liu-liu ho limitasaun ba Ekipamentu Protesaun Pesoál (EPP) hodi luta hasoru surtu COVID-19. Hamutuk ita sei manan COVID-19.

LEAVE A REPLY

Please enter your comment!
Please enter your name here