Home Notisia Atleta Selesionadu Iha FESDATIL Total 110 Iha Modalidade 5, Sei Kompete Iha...

Atleta Selesionadu Iha FESDATIL Total 110 Iha Modalidade 5, Sei Kompete Iha Asian-Games

783
0
Festival Desportu Akadémiku Timor-Leste. [Foto: Bernard | 26.11.2021]

Reportajen Bernarda da Costa, Adalgisa Pereira

Festival Desportu Akadémiku Timor-Leste (FESDATIL) hamutuk ho ekipa selesaun, hodi selesionadu atleta sira ne’ebe mak ho kualidade diak, iha modalidade desportiva husi universitáriu sira iha modalidade (lima), 5 hodi prepara an antes ba kompete iha Tailándia.

Presidente FDA-TL, Zeferino Viegas Tilman hateten tinan ne’e FESDATIL realiza modalidade 5, husi modalidade 5 ne’e iha ona atleta selesaun, atleta sira ne’ebé mak selesionadu, sei halo preparasaun final molok reprezenta Timor-Leste sei ba kompete iha Tailándia tinan oin.

“Atleta sira ne’ebe mak selesionadu nafatin haka’as-an hodi treinu nafatin, atu nune’e bele sai atleta ne’ebe mak diak hodi reprezenta Timor-Leste ba kompete iha Tailándia”, dehan President FESDATIL iha SEJD Lecidere, Kinta 25/11.

Nia husu ba ekipa selesionadu sira iha kada modalidade, presiza halo preparasaun másimu durante fula 4 ka 5 antes  ba kompete iha Tailándia, hodi nune’e bele hetan rezultadu ne’ebé mak diak.

FESDATIL konsege estabelese ona asosiasaun desportu akadémiku iha instituisaun ensinu superior hamutuk 16. Instituisaun rua hanesan Institutu Siensia Saude no São joão de Brito Likiҫa mak seidauk tuir, maibe iha ona komunikasaun atu estabelese, tanba ne’e atu enkoraza mos instituisaun rua ne’e bele buka ona dalan, hodi bele estabelese asosiasaun desportu akadémiku.

Print Friendly, PDF & Email

LEAVE A REPLY

Please enter your comment!
Please enter your name here