Home Notisia Loron 28 Novembru, FCS-UNTL Organiza Seminar Konaba Implementasaun Programa Governu

Loron 28 Novembru, FCS-UNTL Organiza Seminar Konaba Implementasaun Programa Governu

451
0
Seminariu iha UNTL. [Foto: Colo | 26.11.2021]

Reportajen Calisto dos santos Oqui  no Francisco Colo

Fakuldade Siénsia Sosial (FCS) iha Universidade Nasional Timor Lorosa’e (UNTL)  realiza semináriu hodi partilla esperiensia ba estudante sira, hodi komemora loron Proklamasaun Independénsia Timor-Leste ba dala 46 ho nia tema “Implementasaun Programa VIII Governu Konstitusionál no Ámbitu de pandemia Covid-19 em Timor-Leste”.

Reitór UNTL, João Soares Martins hateten sente orgullu ba prezensa eis Presidente, Dr. Jose Ramos Horta, no orador sira hodi partilla nia esperiénsia ligadu ho situasaun polítika no implementasaun programa oitavu governu nian.

Nia afirma Dr. Jose Ramos Horta ko’alia kona-ba polítika esterna no diploma internasionál ne’ebé furak tebes tanbá iha fakuldade Siénsia Sosiál iha departamentu Relasaun Internasionál, tanba ne’e estudante sira bele habelar koñesimentu kona-ba Timor-Leste no relasaun mundu internasionál.

Iha fatin hanesan, Dr.Jose Ramos Horta mós espresa nia sentimentu relasiona ho setór edukasaun no Universitáriu sira ne’ebé seidauk iha apoiu dignu, no másimu ba nivel universitáriu.

“Ha’u kontenten teb-tebes ha’u sempre fuan ba estudante sira, Hau maka sai Primeiru Ministru karik, hau tau osan boot ba setór edukasaun ba universitáriu sira, hau fuan kanek bainhira hau rona estudante sira sena malu iha uma, balu hela iha kost selu $50.00 maibé bee sintina la iha hotu”, dehan Horta

Nia hatutan tan eskola iha Timor-Leste apoiu seidauk maka’as no seidauk diak ba estudante sira nia moris, estudante sira presiza hahan ho nutrisaun diak, estudante sira tinan-tinan tenke ba check-up, iha moras ruma tratamentu kedas ne’e mós laiha no mós presiza bee mós.

Nune’e mós estudante Sergio da Silva sente orgullu tebes ba seminariu ne’e, tanba bele hetan esperiensia ne’ebé partilla husi Oradór sira, Liuliu iha historia ba rai ida ne’e.

“Sente orgullu tebes ba loron 28 Novembru basa selebra ba 46 anos,  no  bele hetan esperenisa  husi Dr. Ramos Horta, no mós esperensia balun ne’ebé sei hato’o husi ita Ministru Fidelis Magalhães kona-ba  situasaun pandemia ne’ebé Timor-Leste”, dehan Sergio

Print Friendly, PDF & Email

LEAVE A REPLY

Please enter your comment!
Please enter your name here