Reportajen Adroaldo ‘Saretukau’
Asosiasaun Jornalista Timor Lorosa’e (AJTL) organiza treinamentu reportajen investigasaun konaba eleisaun no tráfiku umanu iha loron 26 Fevereiru 2022, ne’ebe partisipa husi membru AJTL sira husi radio komunidade, media online, jornál, televizaun inklui estudante Komunikasaun Sosial husi UNTL.
Treinamentu konaba reportajen investigativu iha eleisaun, fasilita treinadór husi Indonezia Firmansyah MS no oradór nasionál husi JU,S mak Maria Agnes no konaba reportajen investigative tráfiku umanu fasilita treinadór Hesty Murthi husi Aliansi Jurnalis Independen (AJI) no orador nasional mak Alberico Junior
Treinamentu ne’e ho objetivu hodi hasae kapasidade jornalista sira nian, oinsá halo investigasaun klean ba issue interesante no importante sira ne’ebe iha ligasaun ho interese públiku nian,
Iha abertura ne’e Prezidente AJTL, Zevonia Vieira hato’o apresiasaun ba treinador sira husi Indonesia, ne’ebe bele fasilita treinamentu ne’e hodi fahe sira nia matenek, hodi bele tulun jornalista sira, atu dezenvolve sira nia abilidade no intelektual atu bele halo serbisu barak liu iha reportajen investigativu liu-liu iha ambitu eleisaun no issue interanste no importante konaba kazu trafiku umanu iha Timor-Leste
“Ha’u kontente tebes bele hamutuk ho maun Firman no mana Hesty husi Indonesia, ne’ebe fo ona sira nia tempu hodi fasilita treinamentu ida ne’e, espera matéria ne’ebé fo ba jornalista sira, bele sai bukai no iha benefisiu boot ba kolega sira, atu kontinua aprende nafatin
Durante sesaun treinamentu, treinador hosi media Internews Indonezia, Firmansyah Syamsi hateten jurnalizmu investigativu nu’udar rejultadu servisu jornalista ida nian, ba problema importante sira mak subar hosi ema, organizasaun ruma ka hosi públiku ne’ebé povu sira presiza tebes atu hatene.
Relasiona ho eleisaun,treinador Firman hatete isu krusial sira liga ho eleisaun mak polítika no sosiedade, nia hato’o la’os lia-fuan polítika ne’e rasik maibé relasaun ho esforsu jornalista nian atu atinji objetivu ida hodi hato’o informação ne’ebé públiku presiza asesu.
“Signifikadu polítika ne’ebé luan, espesialmente relasaun ho esforsu jornalista nian hodi kria sosiedade ida soberana no abranje kestaun seluk hanesan sósiu-kultura, sistema legal, burokrasia no sleuk tan,” hateten Firma durante nia aprezentasaun durante treinamentu reportajen investigativu.
Nia dehan isu krusial sira durante eleisaun ne’ebé jornalista presiza tau atensaun, hodi foti reportajen mak money politics ka polítika osan sofistikada, emprendedores no kandidatu Patgulipat, atensaun ho regra eleitoral sira, dezafiu eleitorais durante pandemia ida ne’e, kampaña dijital entre farsa no faktus sira, no ikus konabá independénsia hosi organizadores das eleiasaun nian.
Entretantu jornalista senior timoroan, Alberico da Costa Junior iha nia sesaun nu’udar orador hatete, “jornalizmu investgativu bainhira ita nia polítika ou filozofia no fator sosial mos garante liberdade, para atu nune’e bele la’o ho di’ak, maske nune’e sira sente liberdade ladun máksimu.”
Jornalista senior ne’e mos akresenta, agora kontekstu Timor nian da-dauk ne’e ita tenki aproveita di-di’ak treinamentu konabá reportajen investigativu, atu nune’e bele ajuda jornalista sira hodi buka halo reportajen ida ne’ebé presiza públiku hatene, tanba ida ne’e bolu nu’udar papel hosi jornalizmu invetigativu ne’e rasik.
“Saída mak tenki halo, saída mak tenki investiga? Primeiru orsamentu estadu, ligasaun ho eleisaun agora, orsamentu estadu tenki aloka, aloka ba kampaña polítika ne’e sira uza loloos ka lae? Ita bele investiga ida ne’e, fundu angariasaun ba kandidatu no partidu sira, ne’e presiza? Angariasaun ne’ebé halo nia objetivu saída?,” tenik nia.
Nia hatutan, tenki haree mos kandidatu hosi partidu boot sira ne’ebé iha osan maibé governu fo angariasaun hanesan ho kandidatu independente sira, ida ne’e mos presiza haree. Alein de ne’e iha mos polítika osan ka monye politics, tanba dala ruma kandidatu sira selu osan ba votante sira, se osan privadu la iha buat ida maibé karik osan estadu, media nia kontrolo sisial tenki iha, nia hakotu.
Treinamentu liu hosi webináriu ne’e ograniza hosi AJTL no hetan suporta hosi Embaixada Amérika iha Timor-Leste no Tech Camp, ne’ebé fasilita hosi jornalista Firmansyah Syamsi no Hesty Murthi husi Aliansi Jurnalis Independen (AJI).
