Home Notisia Governu Hakotu Konfinamentu Obrigatoriu iha Dili Hahu Loron 9 Setembru

Governu Hakotu Konfinamentu Obrigatoriu iha Dili Hahu Loron 9 Setembru

358
0
Enkontru Konsellu Ministru. [Foto: Media Prezidente KM | 01.09.2021]

Reportajen Zevonia Vieira

Liuhusi sorumutuk Konsellu Ministrus iha Auditóriu Ministériu Finansas Dili, deside hakotu ka la estende tan Konfinamentu Obrigatoriu Jeral (lockdown) ba populasaun sira iha munisipiu Dili.

Liuhusi komunikadu imprensa ne’ebe Neon Metin asesu katak hafoin governu halo análize ba aprezentasaun husi pontu situasaun epidemiolójika país, husi koordenadór sira iha Sala Situasaun Sentru Integradu Jestaun Krize (SIJK) nian deside ona hodi hakotu impozisaun Konfinamentu Obrigatoriu Jeral  iha tuku 23:59, husi loron 9 Setembru 2021.

Mantein impozisaun serka sanitária iha Munisípiu Baukau, Ermera Dili, no Kovalima, to’o loron 22 Setembru 2021. Hakotu impozisaun serka sanitária iha area sira ne’ebé abranja husi suku Naimeko, postu administrativu Pante Makassar, no husi suku Bobometo, postu administrativu Oesilu, suku rua ne’e iha Rejiaun Administrativa Espesiál Oekusi Ambenu nian, to’o tuku 23:59, husi loron 8 Setembru 2021.

Impozisaun serka sanitária iha Munisípiu Manufahi, ne’ebé vigora to’o loron 15 Setembru 2021, la iha alterasaun. Nune’e, bandu nafatin tama no sai husi munisípiu Baukau, Kovalima, Dili, Ermera no Manufahi, exetu tanba razaun sira seguransa públika, saúde públika, asisténsia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian.

Proibisaun ida-ne’e la abranje ba indivíduu sira ne’ebé komprova ona vasinasaun kompleta (doze rua) kontra COVID-19 nian, nune’e mós ba labarik sira iha tinan neen mai-kraik ne’ebé akompaña indivíduu sira ne’e.

Print Friendly, PDF & Email

LEAVE A REPLY

Please enter your comment!
Please enter your name here