Home Notisia Loron 5 Maiu Nudar Loron Ijiene Liman Nian, Fase Liman Bebeik Bele...

Loron 5 Maiu Nudar Loron Ijiene Liman Nian, Fase Liman Bebeik Bele Salva Ita nia Aan

234
0
ilustrasaun fase liman bebeikho sabaun.[Foto: Copyright google | 18.04.2020]

Reportazen Zevonia Vieira

Loron 5 Maiu nudar loron mundial ba selebra Loron Ijiene Liman Nian (Hand Hygiene Day], liu hosi konferensia imprensa iha centru media, portavoz Centru Media Integradu Jestaun Krize [CIJK], Dr. Rui Araujo hateten tinan ida ne’e ne’e Organizasaun Mundial Saude propoin, nudar objetivu selebrasaun, atu ita hotu rekoñese katak fase liman, sai nu’udar asaun efetivu-liu, ne’ebé individu ida-idak bele halo, hodi reduz transmisaun fini-moras nian, inklui Covid 19.

Dr. Rui hateten profesionál saúde sira no mos membru komunidade sira hotu, iha papel importante ida, atu prevene hada’et moras ba-mai, liu husi fase liman beibeik. Fase liman ho bé no sabaun, durante minutu ida nia laran, bele salva ita nia a’an, no mo’os salva ema seluk husi moras infekto-kontajioza, inklui husi moras Covid 19.

Sala d Situasaun mos apela ba populasaun tomak atu nafatin halo esforsu hodi fase liman bei-beik ho bé no sabaun, nu’udar dalan ida ne’ebé efetivu, atu hado’ok-an husi moras Covid 19.

Ba profisional saúde sira, liu-liu ba enfermeiru, parteira ho médiku sira, ne’ebé diretamente halo kontaktu no halo tratamentu ho pasiente sira, atu fase liman molok ka’er pasiente, molok halo intervensaun ruma no hafoin ka’er paseinte ka hafoin halo intervensaun ruma.

“Hahalok ida ne’e simples, dala barak ita la tau importánsia, maibé determinante tebes iha transmisaun moras infekto-kontajioza, husi ema-ida ba ema seluk, inklui iha transmisaun moras Covid 19”, hateten Dr. Rui iha CCD, 5/5

Ba populasaun tomak, liu-liu joven sira, maski númeru kazu detetadu la aumenta, husu atu nafatin kumpri ho disiplina regra distansiamentu social koletivu, hanesan labele halibur-malu, ka la’o rame-rame, liu husi ema nain lima.

Print Friendly, PDF & Email

LEAVE A REPLY

Please enter your comment!
Please enter your name here