Home Notisia Uza Modelajen Matematika Ba Medidas Distansiamentu Sosial (DS), Dr. Rui: DS Mak...

Uza Modelajen Matematika Ba Medidas Distansiamentu Sosial (DS), Dr. Rui: DS Mak Kilat Funu Hasoru Covid-19

385
0
ilustrasaun konaba taxa de atake ba moras Covid-19. [Foto: Nee York Times | 18.04.2020]

Reportazen Zevonia Vieira

Liu hosi konferensia imprensa Dr. Rui mos esplika konaba konseitu distansiamentu sosial katak termu Distansiamentu Sosial [ refere ba esforsu sira hotu, liu husi meius oi-oin ho objetivu atu hamenus ka hakotu transmisaun Covid 19 iha populasaun nia le’et, liu husi dalan hamenus kontaktu fiziku entre ema ne’ebé potensialmente infetadu, ho ema ne’ebé saudável.

Distansiamentu sosiál kategorizadu ba distansiamentu sosiál individual no distansiamentu sosiál koletivu ka distansiamentu sosiál ne’ebé afeta ema barak. Ezemplu husi distansiamentu sosiál individual maka izolamentu, konfinamentu ka kuarentena obrigatóriu no voluntáriu.

Distansiamentu sosiál koletivu ka ida ne’ebé afeta ema barak maka taka fatin sira ba ensinu no aprendizajen, taka fatin servisu, bandu visita ba fatin sira hanesan orfanatu no prizaun sira, kansela sorumutu ka eventu sira hotu ne’ebé halibur ema barak, hanesan selebrasaun relijioza, desportiva, artistika-kultural, lia-mate no lia-moris, no seluk tan.

Peskiza sientifika no dokumentu akademiku barak maka dokumenta efetividade husi medidas distansiamentu sosiál iha rai barak, durante pandemia Covid 19. Hanesan ezemplu ida, dokumentu ida husi Sentru Europeu ba Prevensaun no Kontrolu moras, hateten katak evidénsia husi fatin barak inklui husi Xina hatudu katak implementasaun sedu husi medida distansiamentu sosiál, iha nivel individual no koletivu, bele halo dierensa bo’ot iha moras Covid 19 ninia transmisaun, iha populasaun nia le’et.

Sira usa ‘’modelajen matematika’’ (mathematical modeling) hodi hatudu katak, se karik iha Xina sira introduz medidas distansiamentu sosiál semana ida, semana rua, no semana tolu antes moras ne’e hadaet iha komunidade nia le’et, sira bele reduz númeru kazu Covid 19 ba 66% (iha semana ida antes), ba 86% (iha semana rua antes) no 95% (iha semana tolu antes).

“Haree ba opinião sientifiko-akadémika hirak ne’e no haree mo’os ba ita nia esperiénsia iha Timor-Leste, ita bele hateten katak introdusaun medidas distansimentu sosiál, indivudal no koletivu, molok kedas Estadu Emerjénsia, iha impaktu pozitivu tebes iha númeru kazus iha Timor-Leste. Ida ne’e signifika mo’os katak, wainhira seidauk iha aimoruk espesifiku atu oho virus ne’e no wainhira seidauk iha vasina ruma, medida distansiamentu sosiál maka tenki sai ita nia kilat importante atu funu hasoru Covid 19”, hateten Dr. Rui Araujo iha CCD, 5/05.

Print Friendly, PDF & Email

LEAVE A REPLY

Please enter your comment!
Please enter your name here