Home Notisia Kandidatu PR Isabel Ferreira Sei Hahú Mini Kampaña Iha Likidoe-Aileu

Kandidatu PR Isabel Ferreira Sei Hahú Mini Kampaña Iha Likidoe-Aileu

259
0
Kandidatu Prezidente Republika, Isabel Ferreira. [Foto: Joselina | 24.02.2022]

Reportajen Joselina dos Santos

Kandidatu Prezidente Republika  Dra. Isabel da Costa Ferreira sei hahu nia mini Kampaña Door to Door iha Likidoe Munisipiu Aileu, depois de Missa Sinzas iha loron  2 Marsu, tanba fatin ne’eba dalan aat, nune’e sei hasoru uluk komunidade sira iha ne’eba, depois kontinua fali iha fatin seluk.

“Ami halo mini kampaña door to door, tanba ha’u mai ho hanoin ida katak atu sai revolusiona mental, no ha’u hakarak mos bolu povu sai sujeitu labele objetu demais, entaun sai hanesan sujeitu hanesan kandidatu Prezidente Repúblika, ha’u mak tenke ba buka povu, laos povu mak mai buka hodi mobiliza fali povu mai iha fatin-fatin mak kandidatu ba ko’alia ,” Dehan Kandidata Isabel Ferreira ba Jornalista Sira iha Balide, 24/02.

Kandidatu ne’e dehan, iha kampaña ida ne’e atu povu tenke sente nia nain ba Timor, hakarak dezenvolve Timor entaun nia tenke partisipa no sai sujeitu ba prosesu ida ne’e. Tanba ne’e sai  hanesan kandidatu  tenke  ba ko’alia povu ho komunidade ba buka sira, atu fahe ita nia hanoin no programa no saida mak ita hotu hanoin ba Timor agora no ba futuru.

Isabel dehan durante ne’e nia hetan apoiu husi militante PLP, sira mos balun tama iha nia ekipa vitoria  hanesan kandidatu independente, nia sempre dehan katak kandidatu independente di’ak liu ba Prezidente ida.

“Karik ha’u  iha partidu, ha’u hakarak kandidata mos, ha’u sei deklara sai husi partidu no deklara aan hanesan independente. Tanba esperiénsia iha mundu hatudu katak ida independente ne’e mak diak,” dehan Isabel

Print Friendly, PDF & Email

LEAVE A REPLY

Please enter your comment!
Please enter your name here