Home Notisia AJTL: PDHJ Tenke Investiga Kazu Iha Fronteira Atu Evita Pre Supostu ba...

AJTL: PDHJ Tenke Investiga Kazu Iha Fronteira Atu Evita Pre Supostu ba Jornalista no Sidadaun Nain Rua

426
0
AJTL halo konferensia imprensa. [Foto: Santina Lucia da Costa | 30.04.2020]

Reportazen Santina Lucia da Costa

Relasiona ho sidadaun na’in rua ne’ebe halo aktu impedimentu no violasaun ne’ebe  komete hasoru jornalista iha Fronteira Mota-Ain. Asosiasaun Jornalista Timor Lorosa’e [AJTL] halo konferensia imprensa hodi husu ba Provedor Direitu Umanus no Justisa [PDHJ] nudar entidade independente estadu, atu halo investigasaun ba kazu refere, nune’e bele evita aktu pre-supostu ka prasangka buruk ba jornalista Rttl.e.p. no sidadaun na’in rua ne’ebe autoridade indonezia deporta.

AJTL mos husu ba sidadaun ka familia sidadaun na’in rua ne’ebe deskonfia hetan aktu violentu husi jornalista destakadu, atu hato’o keisa tuir dalan legal ne’ebe eziste, tanba liu hosi prosesu refere mak sidadaun ida bele hetan lia-los no justisa loloos.

Ba RTTL e.p no kanal media sira seluk atu kontinua halo publikasaun konaba kazu ne’e liuhusi in-depth no investigative reporting nune’e bele aprezenta faktu foun, hodi publiku bele hetan verasidade ka lia-loos husi kazu ne’e.

Ba asosiasaun jornalista hotu, atu fó solidariadade ba jornalista ne’ebe dadauk ne’e hasoru hela problema ho laran-tomak, tanba kazu ne’e mosu iha kontestu kobertura, laos atividade pesoal.

AJTL nudar sumbrinha ida ba nia jornalista sira ne’ebe mak sai membru ba AJTL, liu hosi konferensia imprensa ne’ebe halao iha salaun Konsellu Imprensa [KI], AJTL husu ba journalista no redasaun kanal media hotu-hotu, atu obedese nafatin kodigu etika jornalizmu nian, liuliu tenke justu no balansu (cover both sides) iha publikasaun notisia konaba impedimentu jornalista iha area fronteriza.

Nune’e mos, Husu ba Conselho Imprensa (CI) atu nafatin akompanha no fo advokasia ba jornalista sira relasiona ho asuntu impedimentu, ameasa no violensia atividade jornalizmu iha rai laran ne’ebe nu’udar mos mandatu prinsipal CI nian tuir lei komunikasaun sosial, artigu 44.

Print Friendly, PDF & Email

LEAVE A REPLY

Please enter your comment!
Please enter your name here