Home EduTek Estudante EESP Kay Rala Iha Manatuto Preokupa Ho Hariis-Fatin Ne’ebé La Ijiene,...

Estudante EESP Kay Rala Iha Manatuto Preokupa Ho Hariis-Fatin Ne’ebé La Ijiene, Fo Impaktu Ba Saude Publiku  

1521
0
Kondisaun haris fatin eskola Kay Rala nebe foer. [Foto: Lazio | 24.06.2024]

Reportajen Joselina dos Santos no Joanina Casamiro

Estudante Escola Ensino  Secundário Público  (EESP), Kay Rala Manatuto preokupa ho kondisaun hariis-fatin ne’ebé  la konfortavel foer no iis tanba bee laiha, entau fó impaktu ba sira-nia saúde no prejudika durante  prosesu aprendizajen iha aula laran. Nune’e estudante sira husu Ministeriu Edukasaun hodi tau prioridade ba problema hariis-fatin liu-liu ba feto sira ne’ebé bainhira hetan misturasaun.

Relasiona ba preokupasaun ne’e, Neon Metin dada lia ho estudante Eliza de Jesus Soares katak, nia  sente tristes ba kondisaun  hariis-fatin nian dadaun ne’e tanba bainhira ba harris-fatin tenke ba ho na’in-rua atu akompaña  malu tanba odamatan balun ladiak, aat liu harris-fatin foer no iss tanba bee laiha.

 “Lolos hariis-fatin fatin ne’e la merese uza maibe nesesidade obriga ami tenke uza maske foer no iis, aat liu ami  feto bainhira misturasaun  truka labele tanba bee laiha atu fase entaun ami tenke tahan to’o fila ba uma mak foin truka, ami hakarak hamos hariis-fatin maibe presiza bee mak fase  atu labele iis no foer maibe bee laiha entaun ami uza deit “, dehan, Eliza de Jesus Soares iha EESP Kay Rala Manatuto, 20/06.

Iha fatin hanesan, Estudante Cristian da Silva Soares hatutan, Hariis-fatin foer no bee mos laiha ne’e lori moras ba estudante sira-nia saúde tanba iis, entaun diak ida tuir aula mos la dun fokus no taka inus tanba iss makas, depois animal hanesan bibi  mos tama sai iha aredores eskola nian entaun iss aumenta.

“Pior liu mak susuk aproveita iha hariis-fatin tanba iis no foer entaun  hakarak ka lakoi fó impkatu duni ba ami nia saúde, Karik ami sente mak labele entaun tenke ba koru bee iha mota tau iha hariis-fatin hodi uza”, nia dehan.

Iha parte seluk, Chefe Gabinete Apoio Técnico EESP Kay Rala Manatuto,  Januario Pereira de Oliveira rekoñese, katak los duni kondisaun hariis-fatin la konfortavel dala ruma sira uza soe foer iha laran no la hamos nomos bee laiha, entaun profesores la dun kontrola tanba sira barak liu ne’e duni bain-bain fó hatene sira katak bainhira uza hariis-fatin tenke limpeza tanba saúde ne’e iha sira-nia liman.

“Problema seluk mak bee tanba iha eskola refere uza Saniu de’it  entaun karik saniu avaria fó impaktu duni  kada vez bee la mai to’o semana ida ka semana rua entaun estudante sira uza saida konserteza Hariis-fatin foer. Iha parte ida karik nesidade obriga estudante balun tenke koru rasik bee iha mota hodi uza ba harris-fatin”, nia informa.

Print Friendly, PDF & Email

LEAVE A REPLY

Please enter your comment!
Please enter your name here