Home EduTek Profesór EESP Kay Rala Manatuto Husu ME Atu Rekruta Tan Profesores  Permanent...

Profesór EESP Kay Rala Manatuto Husu ME Atu Rekruta Tan Profesores  Permanent Iha Deit nain 16

1412
0
Chefe Gabinete EESP Kay Rala Manatuto, (Foto-Joselina).

Reportajen Joselina dos Santos no Joanina Casamiro

Profesór Escola Ensino Secundário Público (EESP), Kay Rala Manatuto husu ba Ministeriu Edukasaun (ME), atu rekruta tan profesores balun ba iha eskola refere, tanba dadaun ne’e  profesores permanente iha de’it 16 pesoas no voluntariu 22 pesoas entaun sei la garantia ba profesores voluntariu sira  iha futuru.

Chefe Gabinete Apoio Técnico Januario Pereira de Oliveira hatete,  rekursu umanu iha eskola ne’e menus tanba profesór permanente hamutuk ema-na’in 16 mane 8 no feto 8 entaun eskola buka tan profesores voluntariu tanba estudante barak, nune’e husu ba ME edukasaun tenke rekruta tan profesores balun husi fatin seluk  atu hanorin estudante sira tanba ne’e kompetensia Ministeriu nian.

“Rekursu ne’e menus tebes entaun ami buka tan profesores voluntariu sira ne’ebé ami finansia husi estudante sira-nia inan aman nia kontribuisaun kada ema ida $ 1 hodi selu ba profesores voluntariu sira kada horas ida  selu $ 1. Objetivu atu asegura estudante sira-nia  prosesu aprendizajen tanba estudante sira ne’e fahe ba turnu rua mak hanesan turnu A no turnu B dader no laraik hamutuk 23 salas” Chefe Gabinete Apoio Técnico ba Neon Metin  iha EESP Kay Rala Manatuto, 20/06.

Dadaun ne’e profesores voluntariu hamutuk ema na’in 22 sira ne’e mai ho konsiénsia hodi kontribui nafatin ba eskola maske ho salariu kiik, karik iha tempu ruma mak sira hetan servisu seluk entaun tenke iha rekoñesimentu husi eskola atu bele subtitui. Iha profesór balun ne’ebé liu vaga Autralia no balun tes ba Inglatera no Korea eskola husik sira tenke ba rai liur tanba eskola la garante katak sira mai voluntariu bele sai permanente tanba ne’e kompetensia ministeriu nian.

“Kompetensia eskola nian mak kopera ho sira mai voluntariu hodi hanorin atu labele abandona estudante sira, entaun ita hein prosesu tan ne’e livre  karik sira hakarak buka servisu iha liur ami fó apoiu nafatin tanba sira presiza buka osan ba nia familia” nia sujere.

Print Friendly, PDF & Email

LEAVE A REPLY

Please enter your comment!
Please enter your name here