Home Saude Detekta tan Kazu Foun COVID-19 Total 7, Kazu Ativu Iha Sala Izolementu...

Detekta tan Kazu Foun COVID-19 Total 7, Kazu Ativu Iha Sala Izolementu nain 99

633
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Ministeriu Saude detektan kazu foun pozitivu COVID-19 hamutuk 7 iha loron 15/03, liu hosi zoom conference Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo ba jornalista relata katak, ekipa saude detekta tan kazu foun COVID-19 hamutuk 7, kazu rekuperadu 5 no  kazu ativu 99.

Iha zoom conference 15/03, Dr. Rui dehan kazu nain 7 ohin, iha mane nain 5, feto nain 2, ho idade husi 14 to’o 43 iha ema nian 14. Ba sira ne’e asintomátiku ka la hatudu sintomas. Hosi loron 1 Janeiru to’o 14 Marsu 2021, total kazu detetadu pozitivu iha 143, 54% feto & idade média varia entre tinan 22-44 no  38 % diagnostikadu iha kuarentena, no 62% diagnostikadu iha komunidade, ka la’os iha kuarentena nia laran.

Hosi kazu hirak ne’ebé diagnostikadu iha komunidade nia le’et, 67% rezidente iha Dili, 24% iha Covalima, 8% iha Baucau, 1% iha Viqueque.

Evolusaun surutu COVID-19 iha municipiu Dili, hosi total kazu foun iha leten, sira nain 5, iha Munisipiu Dili, ho detalles hanesan tuir mai  Kkazu pozitivu 1, iha kuarentena Carla Mansion, kazu pozitivu 1, husi Aldeia Hura, Suku Motael, Postu Administrativu Vera Cruz. Pozitivu ida ne’e kontaktu-besik ho kazu konfirmadu ida husi Cluster Aldeia 4 Setembru, ne’ebé mós hetan transmisaun husi nia la’en husi Cluster MTC.

Kazu pozitivu 1, husi Aldeia Terra Santa, Suku Madohi, Postu Administrativu Dpm Aleixo, kazu ida ne’e, husi rastreiu aleatóriu. Kazu pozitivu 1, husi Aldeia Fomento III, Suku Comoro, Postu Administrativu Dom Aleixo, pozitivu ida ne’e kontaktu-besik ho kazu konfirmadu ida husi Cluster Aldeia Fomento III, kazu pozitivu 1, husi Aldeia 5 Outubro, Suku Bairro Pite, Postu Administrativu Dom Aleixo, pozitivu ida ne’e deteta husi amostra vijilánsia sentinela iha HNGV.

Ho nune’e, kazu detetadu ka pozitivu iha Munisipiu Dili husi dia 7 de Marsu to’o ohin hamutuk hotu 72.

Print Friendly, PDF & Email

LEAVE A REPLY

Please enter your comment!
Please enter your name here