Home EduTek Estudante nain 97 Hato’o Keixa ba PN Maske Ho Valor Boot Maibe...

Estudante nain 97 Hato’o Keixa ba PN Maske Ho Valor Boot Maibe La Asesu UNTL

2490
0
Presidente Comisaun G Parlamentu Nasionál, António Verdial. [Foto: Copyright google | 26.02.2021]

Reportazen Francisco JDA

Grupu estudante ne’ebé la liu selesaun ba asesu iha Universidade Nasionál Timor Lorosa’e (UNTL) kompostu hosi Municipiu Baucau, Lospalos, Viqueque no munisípiu seluk, ohin  hato’o lamentasaun ba Parlamentu Nasionál liu hosi Komisaun G ne’ebé trata asuntu Edukasaun Juventude Cultura no Sidadania, husu atu buka solusaun ba problema ne’e hodi bele asesu UNTL.

Tuir Porta Voz estudante nu’udar inan-aman, Manuel Gomes ba jornalista sira hateten, buat balun ne’ebé Parlamentu presiza ajusta tanba valor ekivalensia entre Ensino Teknika Vokasionl no Ensino Sekundaria la hanesan, entaun estudante barak hosi Ensino Vokasional naran la sai barak atu asesu ba UNTL

“Grupu ida ami nian ne’e iha 97 estudantes, valor ne’e balun iha 40, 44, 43, maibe la asesu UNTL ami ba iha ensinu superior maibé la iha nafatin ba asesu,  tanba ne’e mak ami mai uma fukun ida ne’e atu oinsá entidade sira tur hamutuk, hodi fo solusaun ba oan sira nia preokupasaun no hakarak”, hateten Porta Voz, Manuel Gomes iha Parlamentu Nasionál, 26/02

Porta Voz estudante ne’e reforsa tan, ami hato’o preokupasaun estudante no inan aman sira nian, tanba ne’e mak husu Parlamentu pelumenus joven sira ne’e bele asesu ba iha Ensino Superior nune’e bele hetan resposta pozitivu hodi asesu UNTL.

Hatan ba kestaun ne’e tuir Presidente Comisaun G Parlamentu Nasionál, António Verdial hateten katak,  Parlamentu Nasionál labele interfere orgaun exekutivu nian maibé hanesan reprezentante povu rona nafatin halerik sira ne’e

“Ha’u atu hatete de’it nudar deputadu rona nafatin halerik hirak ne’e, maibé labele interfere serbisu orgaun Ezekutivu nian, dadaun ne’e reklamasaun eskrita ne’ebe mak mai hosi oan sira liu hosi reprezentante inan aman, eskrita sira ne’e butuk boot ida, hanoin atus ida resin ona mak tama iha ami nia meja leten, liuliu ba asesu UNTL nian”, hateten Prezidente Komisaun G António Verdial

Prezidente Komisaun G reforsatan Parlamentu bele simu halerik hotu no sei hatutan ba governu maibe sei la manda governu

Print Friendly, PDF & Email

LEAVE A REPLY

Please enter your comment!
Please enter your name here