Home EduTek Judisiu Fakuldade Agrikultura, Vicente: Habelar Siénsia Setór Agríkola Ba Komunidade

Judisiu Fakuldade Agrikultura, Vicente: Habelar Siénsia Setór Agríkola Ba Komunidade

129
0
Dekanu Fakuldade Agrikultura, Professor Vicente de Paulo Correia. [Foto: Adroaldo | 27.05.2022]

Reportajen Adroaldo “Saretukau”

Iha judísiu Fakuldade Agrikultura, Universidade UNTL ba dala-XXVI, Dekanu Fakuldade Agrikultura, Professor Vicente de Paulo Correia husu estudante finalista sira atu dedika aan ba komunidade liu-liu iha kampu agríkola ho siénsia ne’ebé durante ne’e hetan ona iha banku estudu.

Dekanu husu ba judisiáriu sira atu kontinua aprende no hatudu nafatin ita boot sira nia matenek no komportamentu iha prosesu foun ne’ebé ita boot sira sei hasoru.

“Ba judisiáriu sira, ho siénsia ne’ebé mak ita boot sira hetan durante ne’e presiza atu haburas no habelar tan ba komunidade sira hotu, liu-liu komunidade seitor agríkola, ohin ita boot sira judísiu no hetan ona títulu ne’e la signifila prosesu aprendizajen remata iha ne’e, ita boot sira hein tan prosesu foun ne’ebé diferente ho prosesu refere,” dehan dekanu ba judisiáriu sira iha serimónia solene ne’ebé hala’o iha Salaun Delta Nova, 26/05.

Professor Vicente dehan problema seitor agrikultura ne’ebé durante ne’e ita hasoru 20 anus hanesan produsaun menus, merkadu la iha, sasan folin tuun, fos ita kontinua importa nafatin hosi rai li’ur, ida ne’e nia konsidera nu’udar problema klásiku ne’ebé agora seidauk iha solusaun.

Dezafiu ne’ebé ita hasoru, mais ha’u fiar ho koñesimentu hosi judisiáriu sira ne’ebé agora da-dauk tuur iha ne’e, ha’u hanoin ita bele ultrapasa dezafiu sira ne’e balu, la hotu mais pelu menus ita provoka mudansa ne’e oi-tuan oi-tuan,” dehan Dekanu Vicente.

Iha parte sorin, diskursu reitor UNTL ba judisiáriu sira, nia konta nia esperiénsia ne’ebé hetan wainhira nia vizita nasaun Cuba, nia haree ema kuda ai-fuan sira hektare ba hektare, tanba ne’e reitor ne’e dehan “se ita bele investe halo to’os (perkebuban), ita bele export ba rai li’ur,” tuir nia haree to’os na’in sira iha Timor seidauk tau matan di’ak ba ai-fuan, ai-horis sira iha to’os ho kuantidade barak ne’ebé bele exporta ba rai li’ur.

“Ne’e dezafiu boot ba alin finalista sira hotu, para mais ou menus ita bele transforma seitor agrikultura ne’e hosi subsisténsia ba business, por ke nasaun barak importa ai-fuan sira, ita nia masan sira ne’e importa hosi rai li’ur mak mai, se ita servisu maka’as kuda buah naga exporta ba rai li’ur ne’e furak tebe-tebes, se ita bele halo jus ai-ata exporta ba rai li’ur ne’e furak tebe-tebes,” Reitor UNTL enkoraja estudante finalista sira atu haree ba dezafiu ne’ebé oras ne’e ita hasoru iha área agrikultura nian, bele iha solusaun ho matenek oi-tuan ne’ebé hetan ona iha banku estudu.

Print Friendly, PDF & Email

LEAVE A REPLY

Please enter your comment!
Please enter your name here