Home Memoria Hanoin Hikas Manifestasaun Pasifika 1991 Iha Jakarta, Pedrito: Lalika Gasta Tempu Hatun...

Hanoin Hikas Manifestasaun Pasifika 1991 Iha Jakarta, Pedrito: Lalika Gasta Tempu Hatun Malu

2091
0
Juventude Loriko Aswain halo konferensia imprensa. [Foto: Francisco JDA | 19.11.2020]

Reportazen Francisco JDA

“Lider rezisténsia sira ne’ebe inklina-an iha partidu polítiku no governu, atu lalika gasta tempu trata malu no hatún malu, tanba tinan 20 halo saida ba povu ne’e, tanba povu seidauk moris diak”. Pedrito Vieira

Juventude Loriku Aswain halao konferesensia hodi komemora loron manifetsausaun pasifika ba dala 29 iha Jakarta Indonesia, ne’ebe nudár manifestasaun ida atu  fo solidario ba manifestasaun 12 Novembru 1991, hodi rezulta ho masacre Santa Cruz.

Ba tinan 29 espiritu soliedariedade, presistensia kontinua permanence, tinan ida ne’e halo selebrasaun eroiku joven loriku aswain nian ne’ebe hatudu iha 12 Novembru no kontinua iha 19 de Novembru 1991, ne’ebe halao iha edifisiu Nasoens Unidas (gedung PBB) iha Jakarta – Indonesia.

Liu hosi konferensia impresa ne’ebe organiza hosi Comeite 12 Novembru, membru Resistência Nacional dos Estudantes de Timor-Leste  (RENETIL), Pedrito Vieira haktuir istoria manifestasaun ne’ebe halao iha tempu ne’eba. Nia dehan bainhira halo planu, atu sai hosi provínsia, ba hasoru malu iha fatin hodi halo manifestasaun ne’e susar tebes, tanba la iha telemovel atu kontaktu no bele hein malu to’o oras 10 ka bele loron tomak atu konsentra hamutuk, maibé ida ne’e nudár kauza ida, tanba hakarak determina luta libertasaun funu gerilha iha ailaran no juventude iha Dili.

“Hatudu-an no konrta ne’e laos klandestina, ne’e dehan gerakan ka front hodi kontra no fo influensia ba públiku tomak no ba ema ne’ebe mak seidauk hakarak luta no partisipa iha luta.  Iha prosesu luta nia laran, la iha ema ida mak hanoin katak ita atu ukun-an, tanba iha momentu ne’eba hanoin deit mak sei mate hotu tanba ita nia forsa kompara ho forsa Indonesia dok tebes, kompara hanesan nehek ida ho elefante boot ida”, hateten Pedrito Vieira iha Balide Komarka Antigu,19/11

Nia dehan ho martires 12 Novembro sira bele loke mundu internasionál no organizasaun barak hanesan RENETIL no seluktan hatutan ba martires sira ne’ebe sakrifika sira nia an.

Liu hosi konferensia imprensa Pedrito husu ba lider rezisténsia sira ne’ebe inklina-an iha partidu polítiku no governu, atu lalika gasta tempu trata malu no hatún malu, tanba tinan 20 halo saida ba povu ne’e, tanba povu seidauk moris diak, tanba saida mak tinan 20 ona edukasaun hakdasak, se respeitu martires sira, entaun foku ba dezenvolvimentu no ba rai ne’e, nune’e hatudu ba Indonesia katak ukun an tanba hakarak diak liu Indonesia

Entertantu funador RENETIL, Joao Travolta hateten komemora atu hanoin fali memória prinsípiu no valores uluk ne’ebe komunga, momentu ne’e tenki sai ona transmite jerasaun kontinuador, transmite ona valores sira ne’e ba jerasaun ne’ebe tuir mai. Timor-Leste moris ho jerasaun milenial ne’ebe buras.

“Valores hosi jerasaun ba jerasaun ne’e tenki transmite, jerasaun milenial to’o tempu kaer ukun atu ukun oinsá, ida ne’e mak preokupasaun”, hateten Fundador RENETIL

LEAVE A REPLY

Please enter your comment!
Please enter your name here