Home Notisia Vital: Se Laiha Asesibilidade, Sei Laiha Inkluzaun

Vital: Se Laiha Asesibilidade, Sei Laiha Inkluzaun

253
0
Asesor Teknika iha MOP Vital Araujo. [Foto: Santina Lucia da Costa | 17.09.2020]

Reportazen Santina Lucia da Costa

“Avaliasaun ba infrastruturas ezistentes, estrada no ponte ne’ebe seidauk asesivel ba ema ho defisiente, toilet la assesivel, edifisiu publiku ne’ebe la assesivel, jardin no fatin publiku ne’ebe la assesivel, pedetrian/trotoar ne’ebe la assesivel”. Vital Araujo

Asosiasaun Defisiente Timor-Leste (ADTL) organiza seminariu nasional kona-ba Asesibilidade Fiziku iha Dezenvolvimentu Nasional hodi garante laiha ema ida hela iha kotuk iha Timor-Leste, ne’ebe hala’o iha Maubara Room, Timor Plaza, iha loron kinta-feira, 17/09.

Observasaun hosi Reprezentante Ministeriu Obras Publikas (MOP) Asesor Teknika, Vital Araujo iha nia aprezentasaun hateten rezolusaun governu No.14/2012, politika nasional ba inkluzaun no Promosaun Direitu ema ho defisiensia. Atu rekonhese ba promosaun direitu, ba ema sira ne’ebe ho defisiensia, presiza envolve instituisaun sira hotu hanesan instituisaun publiku no privadu.

Asesor Teknika Vital Araujo iha nia aprezentasaun hateten, Ministeriu Obras Publikus hola mos parte iha grupu Koordenasaun ho Ministeriu Solidariedade Sosial (MSS) ne’ebe rezulta iha nesesidade, aprova hamutuk medidas hodi envolve departamentu governamental sira no orgaun estadu ho esforsu tomak, hodi promove direitu ba ema defisiensia, halo integrasaun no inkluzaun iha komunidade.

“Ho objetivu ida ne’e, governu anterior halo rezolusaun ho termus artigo 115 no 116 Konstituisaun aprovadu iha Konsellu Ministru 18 Abril 2012 konaba Politika Nasional ba Inkluzaun no Promosaun Direitu ba ema ne’ebe ho Defisiensia”,  dehan Vital Araujo.

Nia dehan pontu forte mak inkluzaun signifika hodi halo permite ho defisiensia fiziku, bele halo moris bain-bain ka normal, ne’ebe iha posibilidade lori ema sira ne’ebe ho tipu limitasaun defisiensia fizika, bele halo aktividade lor-loron la dependensia.

Nia mos dehan pontu fraku mak limitasaun ne’ebe mosu ba ema ne’ebe ho defisiensia, akontese beibeik maka falta planeamentu no husi infra-estruturas, hodi adapta ba ema sira ne’ebe ho nesesidade hala’o moris no goza direitu hanesan kualker sidadaun. Se laiha asesibilidade, sei laiha inkluzaun.

Dekretu lei No. 8/2019, organiku Ministerio Obras Publikas nu’udar departamentu governu nian ho atribuisaun no responsabilidade ba dezenho, ezekusaun, koordenasaun no avaliasaun kona-ba politika ne’ebe defenida no aprova husi Konsellu Ministrus ba areas hanesan, Obras Publikas, planeamentu urbanu, habitasaun no edifikasaun, abastesimentu, distribuisaun no jestaun ba bee, saneamentu no eletrisidade.

Iha aprezentasaun materia ne’e Asesor teknika MOP hatoo katak avaliasaun ba infrastruturas ezistentes, estrada no ponte ne’ebe seidauk asesivel ba ema ho defisiente, toilet la assesivel, edifisiu publiku ne’ebe la assesivel, jardin no fatin publiku ne’ebe la assesivel, pedetrian/trotoar ne’ebe la assesivel.

Vital Araujo haktuir planu asaun sira ne’e bele implementa maka hamosu hanoin foun ba komponentes programa no aktividades, hodi bele kompleta liu tan komponentes programa ne’ebe hamosu iha seminario konsultivu ne’ebe hala’o ona.

“Planu Asaun Nasional (PAN) 2020-2021 maka reve identifika problema, dezenvolve kuadru konseptual no implementasaun.” Tenik vital Araujo, iha ambitu aprezentasaun iha seminariu refere.

Print Friendly, PDF & Email

LEAVE A REPLY

Please enter your comment!
Please enter your name here