Reportazen Francisco JDA
Edukasaun Juventude no Desportu (MEJD ) apresia ba embazixada Amérika ne’ebé fo apoio Maskara hamutuk rihun 15, nune’e bele ajuda estudante sira ba prevensaun Covid-19, tuir planu MEJD nian katak sei fahe ba estudantes, liu liu iha area fronteira mak hanesan Municipiu Covalima, Bobonaro no RAEOA.
Ministra Edukasaun Juventude no Desportu, Dulce de Jesus ba Jornalista sira hateten, molok foti desizaun ba ensinu prezencial iha Timor-Leste, hahú halo komunikasaun ho parseiru sira oinsá atu apoio ba esforsu sira, hodi asegura prosesu aprendizajen durante tempu ne’ebé eskola la loke, oinsá prosesu apoio ba ensinu hahú fali iha eskola.
“Nu’udar Ministra Sente haksolok iha tempu hanesan, haraik an tanba ami nia parseiru sira sei asegura katak estudante sira hotu bele fila ba eskola. Ha’u haruka karta ba parseiru desenvolvimentu sira ne’ebé durante ne’e fo ona apoio ba MEJD no kontinua husu sira nia ajudu, iha loron rua nia laran de’it Embaixadora Estadu Unidus hatan ba ha’u nia pedidu, sei fo orsamemtu 500 mill ba iha UNICE, atu ajuda fornese bee iha eskola sira. Nune’e sira mós halo ona enkontru ho MEJD no konkorda atu harii fasilidade fase liman iha eskola hamutuk 15 Ministeriu”, hateten Dulce de Jesus iha Salaun MEJD Vilaverde, 02/05
Iha Fatin hanesan embaixadora Estadu Unidus Mai Timor-Leste, Kathleen Fitzpatrick ba jornalista sira hateten maskra sira ne’ebé fornese sei apoio Timor-Leste, liu hosi MEJD atu prepara dadaun labarik sira fila fali ba sala aula.
“Maskra sira ne’e sei benefisia alunus rihun ba rihun no promove ambiente aprendizajen seguru no saudavel. Ami orguilhu tebes tanba feto Timor oan na’in 20 mak suku maskra hirak ne’e. Projetu hirak ne’e apoio hosi Estadu Unidus Amérika, hodi fornese oportunidade ekonómiku ba trabalahador lokál sira. Ha’u nia agradesimentu ba Koordenador adidu defeza embaaixdor Estadu Unidus Amérika, Major Exercitu, Pablo Valerin nia esforsu hodi halo ida ne’e sai realdidade”, tenik Embaixdora Estadu Unidus Amérika, Katheel Fitzpatrick
Maske nune’e tuir planu MEJD nian katak maskra hirak ne’e tuir planu sei fo ba eskola sira area remotas ne’ebé MEJD identifika ona.
