Home Analisa Labarik Iha Dereitu Ba Moris, No La Hetan Esplorasaun

Labarik Iha Dereitu Ba Moris, No La Hetan Esplorasaun

184
0
Labarik sira iha area rural (Foto: Suara Timor Lorosae)

Opiniaun: Irman Antonia Selma Santos*

Dereitu ba moris 

Regra hotu-hotu, iha direitu ho dever, atu labarik sira labele ko’alia de’it sira nia dever. Sira iha dever, sira komprende sira nia dever, maibé sira só bele entende dever sira, wainhira sira koñese sira nia direitu. Labarik sira ho natureza sira iha kedas ona direitu, depois de ita moris, ita iha ema atu kuida. Ita lahatene atu halo saída, ba ai-han. Entaun mai ona hosi programa Maromak nian, inan ida atu kuida labarik ida. Ida ne’e mak hanesan kuidadu fíziku, ne’ebé labarik sira iha. Ha’u hanoin katak pursentu 99 hosi inan sira, iha responsabilidade di’ak no ba família atu fó saída mak labarik presiza. 

Iha Timor ha’u iha admirasaun ida boot tebes, ba programa, ne’ebé aprezenta ba labarik sira ba to’o iha tinan 2. Katak labarik nia direitu, tenki kuidadu, respeitu. No ha’u haree ida ne’e iha Laclubar, ha’u observa iha ne’e, família sira iha matenek, iha sabedoria boot tebes atu kuida labarik sira. 

Tanba labarik sira mak Na’i Maromak nia Don ba futuru nasaun ida nian. No wainhira Maromak permite labarik ida moris, ne’e tanba ema sira inklui iha programa ne’e, sira mak aprezenta kondisaun di’ak ida, ba ida ne’e. Eziste ema sira ne’ebé hakarak labarik, maibé até to’o tratamentu ba labarik ne’e, maibé la iha permisaun Na’i nian, atu labarik ida moris.

Wainhira Maromak fo moris ba labarik ida, nia fó tanba hatene iha kondisaun di’ak balun. Ha’u la ko’alia kondisaun ekonómika, ha’u ko’alia konabá kondisaun domin, kondisaun sosiál, respeitu, ba edukasaun ne’ebé di’ak, ne’ebé pozitivu. Hirak ne’e mak direitu natural ne’ebé labarik sira simu. 

Edukasaun diak ba labarik

Ha’u kontente tebes, tanba iha nasaun Timor-Leste, ha’u hasoru/hetan, program ida, Edukasaun Infantil, ne’ebé antes la koñese. La iha pre-eskolar, labarik sira tama direita ba eskola bázika. Agora labarik sira hahú iha pre-eskolar. Entaun ida ne’e situasaun ida ne’ebé fó mai ami nu’udar kongregasaun, oportunidade boot tebes atu dezenvolve saída mak ita nia karizma rasik, iha ita nia espiritualidade, hamutuk ho labarik sira menus hosi tinan 7. Hamutuk ho labarik seluk ho idade ne’ebé boot, até sira iha sekundária. Servisu la iha difikuldade, maibé ami nia servisu espesífiku hahú ho labarik sira.

Entaun mai ami, ami nia karizma, ami nia espiritualidade atu haree labarik sira iha momentu ne’ebá. Wainhira idade tinan 3 ba tinan 6, momentu ida ne’ebé labarik sira moris ho deskoberta, sira moris ho momentu ida furak liu iha moris, wainhira organiza sira nia futuru hotu hanesan ema ida. Se idade ida ne’e iha tau matan ba sira, sira merese duni, sira moris la ho difikuldade, sira nia vida adultu, vida profisional, sai moris ida ne’ebé ho onestidade, moris ida ho koerénsia, moris ida ne’ebé iha satisfasaun, moris ida ne’ebé buka di’ak ba ema seluk. 

Wainhira labarik sira la sente ida ne’e iha sira nia idade, sira la hatete ba sira nia inan-aman difikuldade ne’ebé sira lori, hosi angustia tanba sira la simu ida ne’e, hosi idade tinan 3 ba 6. 

Entaun labarik sira tama ba iha nia vida profisional, sai ema ida la iha respeitu ne’ebé di’ak. Mezmu sira iha empreza rasik, sira sai ema ida ne’ebé trapaseira, sai ema ne’ebé dezonesta, sempre hatuun hosi ema seluk tanba hosi ki’ik nia hatuun aan ona. 

Entaun loron labarik nian ne’e diak atu boot sira hanoin furak ne’ebé labarik sira lori iha nia aan. Bot sira tenki simu furak ida ne’e hodi nia bele moris, hanesan ema ne’ebé Na’i Maromak haraik ho di’ak, kapas no di’ak liu ba nasaun. 

Loron labrik nian ne’e loron ida importante tebes para ita adultu sira, ho tempu ne’ebé hanesan ita fó ba labarik, omenajen ba labarik ne’ebé hamutuk ho ita. Ita presija iha rekoñesimentu katak ita mos uluk labarik, ita labarik no labarik kontinua ho ita, labarik ne’e la mate, labarik kontinua. 

Ha’u hakarak fó, ohin ba ha’u nia labarik, parabens. Tanba sira hanesan labarik di’ak, tanba sira hanesan labarik di’ak atu ita rona. Tanba sira mos labarik ne’ebé kapas tebes atu ko’alia, saída mak sira sente. Entaun hanesan loron duplu ba labarik ohin loron nian, no ba labarik horiseik nian. Labarik horseik mak ha’u, O no adultu sira hotu. Entaun loron ohin ne’e signifikativu ida ba ita hotu. Saída mak ha’u fo ba labarik sira, saída mak ha’u nia labarik sira presiza.

Ba labarik sira ne’ebé to’o iha ha’u nia uma, iha ha’u nia eskola, ha’u bele halo program ida, atu husik labarik sira haksolok, nu final labarik sira kontenti duni. La’os hanesan prezente ida atu entrega ho hahan ne’ebé o fó, maibé labarik sira sai kontente tanba sira rona ona, simu ona ho domin, ne’ebé ema hotu presiza. Depende ba idade, maibé iha idade ida ne’e sira presiza liu. 

Ida ne’e mak ha’u nia opiniaun, ha’u nia konviksaun hanesan ema ida, depois hanesan mestra nomos hanesan madre ida. 

Labarik mak prezente boot ida ne’ebé Maromak fó ba nasaun, ba sosiedade ida no ba família. Ha’u haksolok tebes simu ona saída mak hanesan labarik, ho poder ohin ha’u servisu iha Laclubar ho labarik sira iha pre-eskolar, signifikativu teb-tebes. 

Labele iha esplorasaun 

Família, inan-aman tenki respeitu ba labarik sira, simu labarik sira hosi Maromak, kontinua serví hanesan prezente ida iha uma. Iha oras ne’ebé fó ba labarik sira atu servisu, tanba sosiedade ida ezize aman ida atu servisu diferente ho oan. Maibé iha mós buat ne’ebé própriu hosi natureza hanesan inan-aman tenki haraik aan, laran di’ak, ho delikadeza ho domin. 

Agora ha’u ko’alia hanesan mestra, hanesan madre. Ha’u dehan ba ema sira ne’ebé esplora kiik sira, sira iha difikuldade iha sira nia pasadu, nia iha esplorasaun iha nia pasadu, nia la hetan respeitu, nia la hetan domin. Entaun nia haree labarik ruma, nia mos la respeita labarik ne’e, nia esplora labarik ne’e. 

Saída mak ema adultu tenki halo, atu labele repete esplorasaun ba labarik sira, nia tenki perdua ema sira iha pasadu, ne’ebé halo aat ba nia, ne’ebé la fo oportunidade ba nia atu haksolok, atu nia dezenvolve nia kapasidade, katak nia ohin loron haree labarik ida no hanoin, O la iha sala ida, wainhira akontese ba ha’u wanhira ha’u sei labarik.

Ema hotu-hotu, inan-aman ne’ebé la respeita labaraik sira, tanba uluk nia sei labarik nia mos la hatan respeitu. Ema hirak ne’e bele tiu, tia, viziñu, ema ne’ebé besik liu nia uma. Tanba ne’e labarik hela ho triste iha nia moris. Wainhira nia sai adultu, nia hetan labrik, nia repete hikas situasaun hirak ne’e.

Tanba ne’e atu situasaun sira ne’e ne’e hetan kurizi, tenki modifika ita nia sentimentu, ba ema sira iha pasadu, ema hotu koñese lia fuan ida perdua adultu iha pasadu ne’ebé halo aat ba labarik. Tanba ne’e nia tenki hetan ida ne’e, se lae sosiedade sempre iha problema ne’ebé labarik ida sofre, tanba adultu ida estraga labarik. Estraga seksualmente no bele mos verbalmente ho lia-fuan kro’at ne’ebé labarik sente, ema la ho valor, ema ne’ebé la di’ak, ema ne’ebé só difikuldade. 

Dala ruma inan-aman bele iha lia-fuan kro’at ba labarik sira, baku. Inan-aman ne’e iha problema iha sira nia pasadu. Tanba ne’e presiza inan-aman halo tratamentu, atu labele estraga labarik sira. Se ita koñese labarik iha ita nia tempu uluk, ne’ebé sofre tebes, ita bele dehan hela, perdua ema ne’ebé halo aat o, se lae aban bai rua o bele estraga labarik ruma.

Esplorasaun ida ne’e eskontese iha forma rua seksualmente, verbalmente ho kestaun servisu. Koloka labarik sira ba servisu wainhira sira la iha dever atu servisu, wainhira nia sei labarik. Menus tinan 18, iha servisu ki’ik ruma ne’ebé o bele kontribui iha família. Maibé servisu ne’ebé foti ema nia tempu atu halimar, estuda, ida ne’e esplorasaun ida. 

Tenki iha tempu atu labarik sira treinu servisu kiik, sira labele iha servisu ne’ebé boot, ne’ebé foti sira nia oportnuidade atu estuda no halimar. Wainhira foti tempu hodi estuda no tempu halimar nian, ne’e esplorasaun. Ida ne’e tipu esplorasaun seluk ne’ebé ema seluk lahatene dehan lae ba família, nia lebele, la’os nia lahatene, se nia la kumpri servisu nia iha agresaun fízika, ida ne’e hotu ho nosaun ida. 

Konsidera hanesan labarik esploradu, ho labarik sira iha uma, uza labarik sira ho modu partikular, iha asediu seksual ba labarik sira, esplora labarik sira. Nomós hanesan objetu servisu, família obriga labarik sira servisu, hili ai. Iha nasaun seluk obriga labarik sira servisu fase kareta, karega lori sakola. 

Ida ne’e hanesan motivu ida ba nasaun hodi deside, loron ida ne’e, atu ema reflete ba labarik sira ne’ebé hela iha nasaun ne’e, atu sira iha sira nia direitu. 

*Responsável Komunidade Eskola Flores de Laclubar

LEAVE A REPLY

Please enter your comment!
Please enter your name here