Home Notisia RENETIL Hasoru PM Taur, Fo Apresiasaun no Fo Hanoin Oinsa Hasoru COVID...

RENETIL Hasoru PM Taur, Fo Apresiasaun no Fo Hanoin Oinsa Hasoru COVID no Inundasaun

896
0
Sekretariu Jeral RENETIL, J. Russuo Fonseca, halo diskursu ba tomada de posse (Foto: Zevonia Vieira)

RENETIL hola inisiativa ba hasoru Premeiru Ministru Taur Matan Ruak, ohin (15/04), iha Palasiu Governo, hodi fo hanoin kona ba oinsa bele hasoru COVID-19 no Inundasaun ho diak liutan. Marka prezensa iha enkontru ne’e Sekretariu Jeral RENETIL, Joaquim da Fonseca Russuo, Vice Sekretariu Jeral Fransisco Belo Lires, no Presidente Concelho Curador RENETIL, Carlos Saky.

Iha enkontru ne’e Sekretariu Jeral RENETIL, Joaquim da Fonseca Russuo expresa apresiasaun RENETIL nian ba governo no fo hanoin ba Xefe de Governo atu oinsa hasoru problema COVID no dezastre natural ho diak liutan.

“Ami expresa RENETIL nia apresiasaun ba goveno, liliu ekipa ne’ebe tau matan ba COVID ne’ebe presta servisus durante tinan 2. Atu haree katak maski kazu COVID ne’e buat foun no buat bot maibe ekipa mak servisu ba COVID ne’e loron ba loron melhora sira nia servisu. Ekipa ne’e ho humilidade aprende hosi sira nia esforsu rasik no mos hosi ema seluk hodi melhoria esforsu ba kombate COVID”, Sekretariu Jeral Joaquim esplika ba Neon Metin, hafoin enkontru ho Xefe Governo.

Iha hasoru malu ne’e RENETIL mos hato’o preokupsoens balun relasiona ho medida atendementu COVID nian mak presija halo forte liutan para bele sai efisiente liu, hodi responde ba COVID.

“Purezemplu serku sanitariu iha inisiu la tetu ho estudante balun mak tama iha serku sanitariu laran maibe tenke depende ba inan aman mak laos iha serku sanitariu laran. Ikus mai balun hetan susar no to’o mai RENETIL hodi husu ajuda. RENETIL koordena kedas ho CIJK no ikus bele fo solusaun”, Joaquim fo ezemplu kona ba medida ne’ebe CIJK presija tetu hodi hadiak.

Relasiona ho Inundasaun ma akontese ona semana ida liuba, RENETIL koalia ho Xefe Governo no fo hanoin kona ba impaktu inundasaun nian mak hamate no halakon ema. Sekretariu Jeral husu atu tetu bainhira fo sai informasaun tan ema balun ne’e governo deklara dehan mate ona no balun ne’e foin iha konsiderasaun katak mate. Diak liu mak halo lai esforsu hodi buka tuir antes hasai deklarasaun loloos. Tan esforsu ida buka ne’e bele hatudu ba komunidade katak governo halo duni esforsu hodi buka tuir.

Hafoin enkontru ho Premeiru Ministru, Sekretariu Jeral RENETIL promete hela atu aprezenta pontu sira iha forma eskrita ba PM nudar kontribuisaun ba governo hodi hasoru COVID no hakat liu kalamidade.

Print Friendly, PDF & Email

LEAVE A REPLY

Please enter your comment!
Please enter your name here