Home Notisia Citilink Hatun Sidadaun Xinesa 133 Hodi Halo Serbisu Iha Portu Tibar no...

Citilink Hatun Sidadaun Xinesa 133 Hodi Halo Serbisu Iha Portu Tibar no Hera

318
0
aviaun Citilink tun iha Aero portu Presidente Nicolao Lobato. [Foto: David da Costa | 14.04.2021]

Reportazen David da Costa Gusmao*

Ohin Aviaun Citilink A320 mais ou menus oras tuku 15:58 otl,  hatun tan ona traballador xinesa ne’ebe serbisu iha portu Tibar no eletrisidade Hera hamutuk 133, iha Aero Portu Internasinal Nicolao Lobato Comoro.

Direktor ajensia Citilink, Fernando da Silva informa sidadaun xinesa ne’ebe tama mai Tmor-Leste ne’e  serbisu iha kompanña  internasional ne’ebe konstrui portu Tibar no kompaña  elektrisidade Hera.

“Xinesa sira kaer obra iha kompanña ne’ebe governu Timor-Leste iha, balun iha portu Tibar no Hera, balun fila ona no sidadaun agora dadaun mai ne’e sei troka fatin ema sira ne’ebe serbisu tiha ona, tanba sira nia kontratu”, dehan Diretor Citilink  ba jornalista sira iha  aeroporto,14/04.

Fernando esplika tan tuir lolos iha sidadaun na’in 138 mak ohin tama mai Timor-Leste, maibe kansela viajen nune’e 133 deit mak ohin mai Timor.

Nia informa tan aviaun Citilink  ne’e sei tula fila Timor hamutuk 58 ne’ebe kompostu husi pasiente ho nia familia hamutuk na’in 32 ne’ebe  atu ba hala’o tratamentu iha Indonesia iha mos estudantes, diplomata balun no sidadaun Indonesia.

“Aviaun Citilink  ne’e hetan aprovasaun husi governu Timor-Leste  no charter husi embaixada  Xina iha Timor-Leste”, dehan Fernando

Sidadaun hirak ne’e sei submete ba kuarentina no komfinamentu obrigatoriu  iha fatin ne’ebe preparadu  ona husi kompania rasik molok loron 14.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here