Home Notisia Pontu de Vista Saude nian, Mate Tanba COVID-19 no Mate Ho COVID-19

Pontu de Vista Saude nian, Mate Tanba COVID-19 no Mate Ho COVID-19

524
0
ekipa vijilansia haloot mate isin. [Foto: copyright Media Indonesia | 14.04.2021]

Reportazen Zevonia Vieira

“Mate tanba COVID-19 signifika ema ne’e hakotu iis tanba prosesu virus ne’e mak provoka nia hodi iis kotu. Mate ho COVID-19 posivelmente nia bele iha moras seluk ne’ebe provoka nia to’o mate, maibe iha momentu ne’ebe nia mate, ita deteta katak nia iha COVID-19”. Dr. Rui Araujo

Ema barak preokupa no hamosu perguntas relasiona ho ema ne’ebe diagnostikadu COVID-19 no bainhira nia ho kondisaun grave no to’o ikus tenke hakotu nia iis. Liu hosi zoom press conference, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr Rui Maria de Araújo esplika katak relasiona ho pontu de vista saude nian katak bainhira ema mate, iha grupu rua katak mate tanba COVID-19 no mate ho COVID-19, buat rua ne’e la hanesan.

“Mate tanba COVID-19 signifika ema ne’e hakotu iis tanba prosesu virus ne’e mak provoka nia hodi iis kotu. Mate ho COVID-19 posivelmente nia bele iha moras seluk ne’ebe provoka nia to’o mate, maibe iha momentu ne’ebe nia mate, ita deteta katak nia iha COVID-19”, esplika Dr. Rui.

Eis Ministru Saude ne’e hatutan ida ne’e marka nia diferensia, “tanba sekarik la deteta COVID-19 iha nia isin, ne’e signifika prosesu funeral lao hanesan babain, maibe pelu faktu deteta COVID-19 iha nia isin, independentemente ka terlepas hosi COVID-19 ne’e mak halo nia mate ka lae, prosesu funeral ne’e tenke tuir portokolu ne’ebe iha.

Situasaun refere sai diskusaun iha publiku no povu duvida, ho situasaun ne’e Dr. Rui rekonnese katak esklaresementu ida ne’e la dun hato’o dalabarak ba publiku, no hamosu nafatin konfuzaun, “hein katak kolaborasaun ho belun jornalista nian, bele hato’o informasaun ne’e klaru liutan  ba ita nia publiku. Mate tanba COVID-19, lahanesan ho mate ho COVID-19.

Signifika pasiente nain rua ne’ebe diagnostikadu COVID-19 ne’e mate ho COVID?, “kategorizadu hanesan mate ho COVID-19, tanba ne’e mak portokolu ne’e defini ba ema ne’ebe iha COVID-19, iha ninia isin”.

Neon Metin mos konfirma daet ou lae virus iha mate isin ba ema ne’ebe sei moris? Karik bele liu hosi aerosol? Dr Rui Maria de Araújo hatan katak aerosol signifika bainhira uza buat ruma atu halo kompresaun ka bomba, instrumentu sira atu disinfekta ne’e bolu aerosol.

“Ida ne’e bele sai meius ida atu virus ne’e bele hatutan ka daet ba ema seluk liu hosi aerosol. Kazu recenti liu ne’ebe transmisaun virus ne’e aerosol mak iha Australia deteta ida ne’e. Liu hosi aerosol ka spray, portantu fonte virus ne’e se iha ema nia isin mate, mak ita uza spray entaun nia bele provoka aerosol no hosi ne’e bele daet”, dehan Dr. Rui, 14/04

Dr. Rui hatutan tanba ne’e mak medidas preventiva hotu tenke utiliza wainhira ita halo tratamentu ka ita prepara ema ruma nia isin mate, atu labele uza buat ne’e barak, hodi nune’e bele provoka virus ne’e bele sirkula no hadaet tutan ba ema seluk.

Print Friendly, PDF & Email

LEAVE A REPLY

Please enter your comment!
Please enter your name here