Home Saude Covid-19, Presiza Atensaun Makaas Ba Variante Hosi Englatera, Brazil no Afrika de...

Covid-19, Presiza Atensaun Makaas Ba Variante Hosi Englatera, Brazil no Afrika de Soul

309
0
zoom press conferene ho Dr. Rui Araujo. [Foto: Zevonia Vieira | 14.04.2021]

Reportazen Zevonia Vieira

Liu hosi zoom press conference, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo esplika konaba variante ne’ebe mak presiza toma atensaun, tuir rekomendasaun hosi organizasaun saude nian iha internasional.

Neon Metin halo konfirmasaun konaba variante ho 99,6% ne’ebe domina iha Timor-Leste, no variente mai hosi Indonesia, Papua New Guinea no Australia, ne’e tama iha kategoria saida? Ba Neon Metin Dr. Rui hatan katak variente ne’e bolu dehan nia sintomas ka replikasaun ne’e todan liu ou bele influnsia hosi repostas ba vasina.

‘To’o agora komunidade sientifika ho autoridade Saude Mundial no agensia internasional saude nian sira hateten katak iha variente tolu ne’ebe ita presiza tau atensaun makaas mak variante hosi Englatera, Brasil no Afrika de soul, ita presiza observa didiak no peskiza sira ne’ebe halo to’o agora sedauk konkluzivu ka sedauk final, maibe bele afeta ba program vasina ne’ebe oras ne’e halao hela dadauk tanba vasina balun karik la preparadu, atu fo kobertura ba variente sira ne’ebe hau temi”, dehan Dr. Rui.

Relasiona ho variente B117 hosi Englatera, variente ne’e tama duni, maibe liu hosi Ministeriu Saude konsege kontein liu hosi mekanismu kuarentena ho mos izolamentu ne’ebe aplika.

Dr. Rui Konklui katak iha loron balun tan Ministeriu Saude sei haruka tan sample ka amostra barak liutan, hodi kontinua halo monitorizasaun ba posibilidade variente sira ne’e atu mosu iha Timor

Print Friendly, PDF & Email

LEAVE A REPLY

Please enter your comment!
Please enter your name here