Home Notisia Experiensia Vera Cruz – RENETIL Husu PM Tetu Aspeitu Socio-Relijiozu ba Protokolu...

Experiensia Vera Cruz – RENETIL Husu PM Tetu Aspeitu Socio-Relijiozu ba Protokolu Hakoi Mate

306
0
Sekretariu Jeral RENETIL, Juaquim Fonseca "Russuo". [Foto: 20.06.2020]

RENETIL hola inisiativa ba hasoru Premeiru Ministru Taur Matan Ruak, ohin (15/04), iha Palasiu Governo, hodi fo hanoin kona ba oinsa bele hasoru COVID-19. Iha hasoru malu ne’e Sekretariu Jeral RENETIL, Joaquim da Fonseca Russuo mos koalia kona ba experiensia iha Vera Cruz nian no husu atu fo importansia ba kria protokolu Timor-Leste nian rasik hodi hakoi mate.

“Haree ba situasaun mak akontese iha fatin izolamentu Vera Cruz, RENETIL husu atu haree ka analiza protokolu saude nian hodi haree aspeitu socio-relijous bainhira hakoi mate. Bazei ba ida ne’e RENETIL propoin atu governo bele establese protokolu rasik hodi haree ba prosesu ema mate tan COVID ka mate ho COVID, tan Timor nia kultura Timor oan mak hatene,” Sekretariu Jeral RENETIL, Joaquim da Fonseca Russuo haktuir.

Iha momentu hasoru malu ne’e RENETIL mos hato’o nia apresiasaun ba governo nia esforsu hodi hadiak bebeik servisu sira mak relasiona ho COVID.

“Ami mos expresa RENETIL nia apresiasaun ba goveno, liliu ekipa ne’ebe tau matan ba COVID ne’e presta ona durante tinan 2 atu haree katak maski kazu COVID buat foun no buat bot maibe ekipa mak servisu ba COVID ne’e loron ba loron melhora sira nia servisu. Ekipa ne’e ho humilidade aprende hosi sira nia esforsu rasik no mos hosi ema seluk hodi melhoria esforsu ba kombate COVID”, Sekretariu Jeral Joaquim esplika ba Neon Metin, hafoin enkontru ho Xefe Governo.

RENETIL mak organizasaun juventude no estudantil harii iha loron 20 fulan Junu tinan 1988, harii hosi estudante na’in 10 nebe estuda iha Denpasar, Bali.  Estudante na’in 10 nebe hanesan fundador RENETIL nian mak: Fernando de Araújo (La’ Sama), José A.M.X. Gonçalves (Si’ak), Lucas da Costa (Lahe Mau/Rama Metan), Carlos da Silva Lopes (Freezip/Radihka Saky), Agapito Cardoso (Mau Loco), Marciano Octávio Garcia da Silva (Chury Sakar Subar), Julio Abel Ribeiro) (Tae Tudak), João de Araújo (Mau Terus), Adolfo Fontes Soares (Mau Lamas) no João Cardoso Fernandes (Mau Riba).

Print Friendly, PDF & Email

LEAVE A REPLY

Please enter your comment!
Please enter your name here