Home Notisia Covid-19, 22 Abril Kazu Positivu Foun Laiha, Negativu Sae Ba 296, Ema...

Covid-19, 22 Abril Kazu Positivu Foun Laiha, Negativu Sae Ba 296, Ema Nain 22 Iha Vera Cruz

346
0
Portavoz CIJK, Dra. Odete Viegas. [Foto: Francisco JDA | 22.04.2020]

Reportazen Franscisco JDA

Centru Integradu Jestaun Krize  [CIJK] relata dadus kona ba moras surtu Covid-19 iha Timor leste ba loron 22 Abril.

Liu hosi konferensia imprensa iha centru media, portavoz CIJK, Dra. Odete Viegas informa katak tuir teste ne’ebé mak sai total 370 kompara ho horseik toal 361 signifika aumenta ba loron ohin.  Kazu konfirmadu positivu mantein hanesan horseik total 23 no nain 1 rekuperadu.

Kazu negativu 296 no kompara horseik 294, iha rezultadu balun ne’ebé ohin fo sai negativu tan. Totalema iha kuarentena obrigatoriu iha Dili totl 414 no municipio 78. Auto Kuarentena iha Dili zero [0], iha municipio ema nain 31. Ema hamutuk 14 mak pasa ona loron 14 ba auto-kuarentena iha municipio.

Provavel nafatin nain 4, hein rezultadu hamutuk 46 kompara ho horseik hamutuk ema nain 80. Teste foun ba loron ohin hamutuk nain 9 kompara ho horseik nain 24. Teste ne’ebe mak halo iha laboratoriu nasional nia rezultadu teste akuradu 100% hanesan rezultadu teste iha Darwin.

Profesional saúde ne’ebé mak hala’o knaar iha fatin izolamentu, hala’o kuarentena iha hotel, hamutuk ema nain  23 no Polísia Nasionál Timor Lorosae nain 1.

“Husu ba públiku tau nafatin fiar ba profesional saúde iha Laboratorio no Visilansia hodi hala’o servisu ne’ebé mak profesional no fó nafatin fo valor ba sira nia servisu”, hateten Dra. Odete iha CCD, 22/04

Total ema ne’ebe livre hosi kuarentena iha Dili total 1232 no municipio hamutuk ema nain 316. Ema ne’ebe positivu no provavele mai hosi grupu ka klaster nee mak hanesan hotel Lesidere, Profesores Portugues, hotel Katuas, Fortuna, Timing no Hotel Novo Horizonte.

LEAVE A REPLY

Please enter your comment!
Please enter your name here