Reportazen Adalgisa Pereira
“Eskola nee laiha fasilidade kona ba biblioteka no iha nee sala de aula 3 deit la sufisiente ba estudante sira, tamba estudante barak liu no mos laiha sala ba professores sira, maske ida nee haris fatin maibe ami uza hanesan sala ba professores no mos sai hanesan biblioteka, hodi rai livru iha laran”, dehan Koordenador EBF 30 Ciclo Fitun Sagadate
Kondisaun Eskola Baziku Filial 30 Ciclo Fitun Sagadate menus sala, laiha biblioteka no laiha moru
Neon Metin halo observasaun direita ba eskola refere iha Municipu Baucau katak sei menus eskola no laiha biblioteka, hodi nune afeta ba prosesu aprendizajen
Koordenador EBF 30 Ciclo Fitun Sagadate, Armando do Rosario hateten ba jornalista Neon Metin katak eskola nee harii kedas iha tinan 2008 maibe to’o ohin loron laiha biblioteka no sala profesores
“Eskola nee laiha fasilidade kona ba biblioteka no iha nee sala de aula 3 deit la sufisiente ba estudante sira, tamba estudante barak liu no mos laiha sala ba professores sira, maske ida nee haris fatin maibe ami uza hanesan sala ba professores no mos sai hanesan biblioteka, hodi rai livru iha laran”, dehan Koordenador EBF 30 Ciclo Fitun Sagadate Armando do Rosariu, 05/09
Koordenador EBF 30 Ciclo Fitun ne’e mos dehan dezafius ne’ebe eskola hasoru mak sala de aula no mos profesores ne’ebe mak la sufisiente iha esakola refere.
“Profesore sira tenke standby too hotu foin fila ba uma, ne’e laos foin COVID-19 mak akontese, maibe desde eskola nee harii, profesores standby iha eskola to’o hotu foin fila ba uma dala ida”, dehan Koordenador
Kordenador ne’e mos rekomenda ba Ministeriu Edukasaun Juventude no Desportu (MEJD) sekarik Orsamentu Estadu Jeral (OJE) 2021 aprova, halo kontrusaun netik ba sala de aula tamba estudantekada tinan numeru aumentu, harii biblioteka no harii sala ba profesores sira tanba oras ne’e uza hariis fatin sai sala ba profesores sira.
Profesores sira iha eskola refere hamutuk nain sia (9), permanete nain tolu (3) kontratadu nain lima (5) voluntariu nain ida (1) no estudante hamutuk nain 181.
